शासनाचे लक्ष वेधण्यासाठी पालखी सोहळा नियोजन समन्वय समिती स्थापन करा-संजय धोंडगे, अध्यक्ष , संतश्रेष्ठ निव्रुत्तीनाथ समाधी संस्थान !!! सविस्तर बातमीसाठी खालील लिंकवर क्लिक करा !

पालखी सोहळ्याच्या नियोजनासाठी समन्वय समिती स्थापन करा : संजयनाना धोंडगे
पंढरपूर दि २० - महाराष्ट्राच्या कानाकोपऱ्यातून येणाऱ्या संतांच्या  पालखी सोहळ्यांना विज , पाणी , रस्ते , आरोग्य , रॉकेल , गॅस , दर्शन  पास , सुरक्षा या व अशा अनेक अडीअडचणीना  तोंड द्यावे लागते . त्या अडचणी   निवारण करण्यासाठी तसेच या  प्रमुख पालखी सोहळ्यांकडे शासनाचे लक्ष वेधण्यासाठी  राज्यातील प्रमुख सात पालखी सोहळ्यांची समन्वय समिती स्थापन करावी अशी मागणी  श्री संत निवृत्तीनाथ संस्थानचे अध्यक्ष ह भ प संजयनाना धोंडगे यांनी केली .
श्री क्षेत्र पंढरपूर येथील श्री विठठल रुक्मिणी मंदिरे समितीच्या संत तुकाराम भवन मध्ये राज्यातील सहा पालखी सोहळा प्रमुखांची बैठक पार पडली . या बैठकीस श्री विठठल रुक्मिणी मंदिरे समितीचे सदस्य  ह भ प शिवाजी महाराज मोरे ,राज्य पालखी सोहळा पत्रकार संघाचे अध्यक्ष सूर्यकांत भिसे ,  संत ज्ञानेश्वर महाराज पालखी सोहळा प्रमुख ॲड विकास ढगे , संत तुकाराम महाराज संस्थानचे अध्यक्ष ह भ प बाळासाहेब मोरे , संत निवृत्तीनाथ महाराज संस्थानचे अध्यक्ष ह भ प संजयनाना धोंडगे , सचिव पवनकुमार भुतडा , संत सोपानकाका पालखी सोहळा प्रमुख श्रीकांत चिंतामणी , प्रमुख विश्वस्थ गोपाळ गोसावी ,संत मुक्ताबाई संस्थानचे व्यवस्थापक शशिकांत पाटील यांच्यासह दिंडी प्रमुख उपस्थित होते .
संजयनाना धोंडगे म्हणाले संत ज्ञानेश्वर व संत तुकाराम महाराज पालखी सोहळे मोठे असल्याने त्यांच्याकडे शासनाचे लक्ष असते . परंतु इतर पालखी सोहळ्यातही दिंड्यांची संख्या वाढली आहे . लाखोचा जनसमुदाय या सोहळ्यांबरोबर चालत असतो . त्यांना शासन सुविधा देणार की नाही . संत निवृत्तीनाथांचा सोहळा नाशिक , नगर व सोलापूर जिल्ह्यातून प्रवास करतो . या तीन जिल्हा प्रमुखांची बैठक घेवून या पालखी सोहळ्याला सुविधा देण्यास सांगणे गरजेचे आहे . संत मुक्ताई व संत एकनाथ महाराज पालखी सोहळ्याना इतर सुविधा तर सोडाच  साधे पाण्याचे टॅंकरही मिळत नाहीत . महाराष्ट्र शासनाने या पालखी सोहळ्यांकडे लक्ष द्यावे असे ते म्हणाले .
संत सोपानकाका पालखी सोहळ्याचे प्रमुख श्रीकांत गोसावी म्हणाले , शासन संतामध्ये भेद करीत आहे . सोपानदेवांचा सोहळा आता सव्वालाखापर्यंत पोहचला आहे . या सोहळ्याला शासनाने सुविधा द्यावी .

Comments

Popular posts from this blog

मुख्यमंत्र्यांना महापुजेपासुन रोखण्यासाठी नासिकमधून हजारोच्या संख्येने तरूण पंढरपूरला जाणार-सकल मराठा समाज,नासिक !! सविस्तर बातमीसाठी खालील लिंकवर क्लिक करा !!!

फ्युचर मेकर बद्दल वितरकांची कुठलीही तक्रार नाही-ट्रेनर महेंद्र सुर्यवंशी , फ्युचर मेकरचे व्यवहार पारदर्शक असुन लवकरच कंपनी आपले व्यवहार सुरू करणार-बापू ढोमसे, सविस्तर बातमीसाठी खालील लिंकवर क्लिक करा !!!

भाजपा व शिवसेनेकडून जागांची अदलाबदल करण्याचा विचार होऊ शकतो या कालच्या बातमीवर--------!! सविस्तर वाचण्यासाठी खालील लिंकवर क्लिक करा !!!