NEWS MASALA

  नाशिक – राज्याच्या पाणी व स्वच्छता विभागाचे अपर मुख्य सचिव डॉ. संजय चहांदे यांनी आज जिल्हा परिषदेला भेट देऊन जलजीवन मिशन अंतर्गत सुरु असलेल्या कामकाजाबाबत आढावा घेतला. तसेच ग्रामपंचायतींमधील ग्रामसेवकांकडील पाणी पुरवठयाच्या नमुना नंबर ९ नुसार नळ कनेक्शनची स्वत: शासन संकेतस्थळावर पडताळणी केली. स्वच्छ भारत अभियान टप्पा २ अंतर्गत नाशिक पाणी पुरवठा व स्वच्छता विभागाच्या मित्रा या प्रशिक्षण केंद्रात  केंद्र शासनाच्या पेयजल व स्वच्छता विभागाचे अतिरिक्त   सचिव अरुण   बरोका यांच्या उपस्थितीत आढावा बैठकीचे आयोजन करण्यात आले हेाते. या बैठकीसाठी आलेल्या डॉ. संजय चहांदे यांनी जिल्हा परिषदेला भेट देऊन जलजीवन मिशन व स्वच्छ भारत अभियान टप्पा-२ अभियानाचा आढावा घेतला. जलजीवन मिशन अंतर्गत राज्यामध्ये घरोघरी नळजोडणी करण्यात येत आहे. या कामाबाबत त्यांनी आढावा घेत ऑनलाईन करण्यात आलेल्या माहितीची ग्रामपंचायतीकडील नमुना नंबर ९ नुसार पडताळणी केली. यावेळी यादृच्छिक पध्दतीने जिल्हयातील १० ग्रामपंचायतींमधील ग्रामसेवकांना जिल्हा परिषदेत बोलावून नमुना नंबर ९ वरील नळकनेक्शन धारकांच्या नोंदी व केंद्र शासनाच्या

संपादकीय- बातमीत संस्कार ओतने काळाची गरज ! पीतपत्रकारितेचा शिरकाव हा पत्रकारिता क्षेत्राला भविष्यात मोठा अडसर ठरेल काय ? या विषयावर अनेक दिग्गज पत्रकारांनी, संघटनांच्या नेत्यांनी लक्ष केंद्रित केले असून ठोस निर्णयापर्यंत कसे पोहचावे ही द्विधा मनस्थिती अनेक पत्रकारांसाठी डोकेदुखी ठरू पहात आहे. पत्रकारिता क्षेत्रात करीअर करायचे असल्यास कमीतकमी १२ वी पर्यंत चे शिक्षण असावे असे माहीती व जनसंपर्क महासंचालनालय यांच्यावतीने सांगितले जाते किंवा पत्रकारितेचा अभ्यासक्रम पूर्ण असावा परंतु माध्यम मालक, संपादक यांच्या कडून सर्रास दहावी किंवा विना शिक्षणाची अट काय दर्शविते हा संशोधनाचा विषय आहे.       पत्रकारितेत अशा व्यक्तिंचा शिरकाव होत असेल तर याबाबत  माध्यम मालक-संपादक यांनीच निर्णय घ्यावा, निर्णय योग्य की अयोग्य याचा उहापोह या लेखातून करायचा नाही मात्र बातम्यांचा सामाजिक जीवनावर काय परिणाम होतो हे तरी लक्षात  घ्यायला हवे.       मध्यंतरीच्या काळातील एक बातमी "बापाचा मुलीवर बलात्कार !", या बातमीला कुणी आक्षेप घ्यावा असे प्रथमदर्शनी मुळीच वाटत नाही परंतू ग्रामीण भारतातील अनेक स्त्रि

जिल्हा परिषदेत रक्तदान शिबीर संपूर्ण जिल्ह्यात १५ ते ३१ डिसेंबर दरम्यान राबवली जाणार मोहीम जिल्हा परिषदेच्या मुख्य कार्यकारी अधिकारी लीना बनसोड यांनीही केले रक्तदान नाशिक : जिल्हा परिषदेतर्फे मंगळवार दि. १५ डिसेंबर रोजी जिल्हा परिषदेच्या कै. रावसाहेब थोरात सभागृहात रक्तदान शिबिराचे आयोजन करण्यात आले होते. राज्यातील सरकारी रक्तपेढ्यांमध्ये रक्ताचा निर्माण झालेला तुटवडा भरुन काढण्यासाठी महाराष्ट्र राज्याचे मुख्यमंत्री उद्धव ठाकरे यांनी राज्यातील जनतेला रक्तदान करण्याचे आवाहन केले होते.  या आवाहनाला प्रतिसाद देत नाशिक जिल्हा परिषदेच्या सर्वसाधारण सभेमध्ये संपूर्ण नाशिक जिल्ह्यात १५ ते ३१ डिसेंबर या काळात टप्प्या-टप्प्याने रक्तदान शिबीर घेण्याचा मनोदय जिल्हा परिषदेचे अध्यक्ष बाळासाहेब क्षीरसागर यांनी व्यक्त केला होता. या स्तुत्य उपक्रमाची सुरुवात दिनांक १५ डिसेंबर रोजी जिल्हा परिषद, नाशिक व जिल्हा शासकीय रुग्णालयाची शासकीय रक्तपेढी यांच्या संयुक्त विद्यमाने रक्तदान शिबीर पार पडले. या रक्तदान शिबिरात ५४ रक्तदात्यांनी रक्तदान केले असून जिल्हा परिषदेच्या मुख्य कार्यकारी अधिकारी लीना बनसो

निमाकडून जिल्हा परिषदेच्या आरोग्य विभागास ६० मेडिकल किट भेट नासिक ::-  'निमा' नाशिक च्या वतीने जिल्हा परिषदेच्या आरोग्य विभागास ६० मेडिकल किट त्याच बरोबर थर्मामीटर गन, पल्स ऑक्सिमीटर हे जिल्हा परिषदेचे अध्यक्ष बाळासाहेब क्षीरसागर, मुख्य कार्यकारी अधिकारी लीना बनसोड, जिल्हा आरोग्य अधिकारी डॉ. कपिल आहेर यांच्या उपस्थितीत आरोग्य विभागास प्रदान करण्यात आले. या मेडिकल किट मध्ये दोन गॉगल, २ एन९५ मास्क, २५ डिस्पोझेबल मास्क, १००मिली. सॅनिटायझर बॉटल, २५० मिली. सॅनिटायझर बॉटल अशा स्वरूपाच्या वस्तू आहे, या वस्तू ग्रामीण भागात काम करणाऱ्या आरोग्य विभागाच्या कर्मचाऱ्यांना देण्यात येणार असल्याचे प्रतिपादन केले, निमाच्या या सामाजिक दायित्वाबद्दल जिल्हा परिषदेचे अध्यक्ष बाळासाहेब क्षीरसागर, मुख्य कार्यकारी अधिकारी लीना बनसोड यांनी उपस्थित निमाच्या पदाधिकाऱ्यांचे आभार मानले, यावेळी निमाचे मानद सरचिटणीस तुषार चव्हाण, निमाचे उपाध्यक्ष श्रीपाद कलकर्णी, बाळासाहेब गुंजाळ, निमा हेल्थ कमिटीचे चेअरमन जयंत पवार, कैलास वराडे, लिगल कमिटीचे चेअरमन संजय महाजन, निमाच्या कार्यकारी सचिव सोनाली देवरे आदी उपस्

लासलगाव मंडल पदाधिकारी नियुक्ती वितरण सोहळा संपन्न संतोष गिरी यांजकडून,         नासिक: – लासलगाव येवला मतदार संघातील निफाड येवला तालुक्यातील ४६ गावातील मंडल पदाधिकारी नियुक्ती सोहळा येथील शिवमंगल कार्यालयात संपन्न झाला. यावेळी प्रमुख पाहुणे म्हणून खासदार भारती पवार होत्या तर, कार्यक्रमाच्या अध्यक्षस्थानी चांदवड देवळा मतदार संघाचे आमदार राहुल आहेर होते. कार्यक्रमाच्या सुरुवातीला प्रास्ताविक लासलगाव कृषी उत्पन्न बाजार समितीच्या सभापती सुवर्णा ताई जगताप यांनी केले. खासदार भारती पवार यांनी शेतकरी बांधवांसाठी केंद्राच्या विविध योजनांचा उहापोह केला. मोदी सरकार हे शेतकरी हिताचे सरकार असल्याचे त्यांनी सांगितले. आमदार राहुल आहेर, सरचिटणीस सुनील बच्छाव, लासलगाव जिल्हा परिषद सदस्य डी. के. जगताप यांनी आपले मनोगत व्यक्त केले. कार्यक्रमाच्या वेळी लासलगाव मंडल मध्ये विविध पदाधिकारी यांचा मान्यवरांच्या हस्ते सत्कार करण्यात आला. यावेळी निफाड मंडल अध्यक्ष भागवत बाबा बोरस्ते, प्रदेश सरचिटणीस शंकरराव वाघ, नामको चे माजी अध्यक्ष प्रकाश दायमा, भाजपा ओबीसी प्रदेश उपाध्यक्ष कैलास सोनवणे, लासलगाव मर्चंट चे

संपादकीय छत्रपतींच्या घराण्यात ( कोल्हापूर-सातारा )  न पेटलेला वाद पेटविल्याचा आव आणणाऱ्या औलादींना छत्रपती संभाजीराजे यांनी नासिक दौऱ्यात चांगलीच चपराक लगावली, छत्रपती उदयनराजे यांचे भाचे अर्थातच छत्रपती संभाजीराजे यांचे ही भाचे यांची झालेली भेट व दिवसभर एकत्र, एकाच वाहनातून मामा-भाचे यांचा एकमेकांस लाभलेला सहवास !            तोडा फोडा आणि राज्य करा या इंग्रजाळलेल्या नीतीचा भारतीय लोकशाहीत वारेमाप वापर केला गेला आहे, भारतीय राजकारणाला लाभलेला मोठा शाप आहे मात्र छत्रपती घराणे या शापाला कालच्या भेटीने अपवाद ठरले व ते आजतागायत गेली साडेचारशे वर्षे टिकून आहे, छत्रपतींच्या दरबारात ही इंग्रजांना नतमस्तक व्हावे लागले, इतिहास साक्षीला असलेल्या छत्रपतींना जगाचे, रयतेचे एकमेव राजा बिरूद लागले त्याला जगात तोड नाही तेथे काही बुजगावणे फूट पाडण्याचा प्रयत्न करत आहेत, त्यांची अवकाद न बोलता दाखविण्याची धमक आजही छत्रपतींमधील प्रगल्भतेच्या माध्यमातून समाजाला दिसली,  दाखवून दिली.         छत्रपती संभाजीराजे भोसले व उदयनराजे भोसले यांचे कार्यक्षेत्र वेगळं आहे मात्र मर्यादीत नाही,  हे न समजल्यामुळे काही

लाखोंच्या संख्येने मराठा क्रांती मोर्चे निघाले आणि जगाला शिस्तप्रिय आणि मोर्चा कसा असतो दाखवून गेले कोरोना लॉकडाऊन काळात अनेक आंदोलन,मोर्चे होत आहेत पण त्यातही मराठा क्रांती मोर्चा चे रोहा तांबडी येथे झालेले आंदोलन शिस्तबद्ध आणि आंदोलन कसे आदर्श असावे याचे आगळेवेगळे उदाहरण ठरले त्याची दखल महाराष्ट्र राज्य मुख्यमंत्री उद्धव ठाकरे यांनी सुद्धा घेत आंदोलकर्त्यांचे समनव्यकांचे कौतुक करत सर्व मागण्या मान्य करत लवकरात लवकर मागण्या पूर्ण करण्याचे वचन व्हीडिओ कॉन्फरन्स झुम मिटींग द्वारे दिले आणि यशस्वी आंदोलनाची नोंद घेतली. या श्रध्दांजली अर्पण व निवेदन देण्याचा कार्यक्रम मराठा क्रांती मोर्चा महाराष्ट्र,  मराठा क्रांती मोर्चा तांबडी, सकल मराठा समाज, पंचक्रोशीतील सरपंच यांच्याकडून आयोजित करण्यात आला होता.

संपादकीय नरेंद्र पाटील राष्ट्रीय विकासाची काळजी तसेच घसरलेल्या जीडीपीबद्दल फार काळजी करू नका !! एका कुटुंबात कमावणारा एक आणि खाणारे चार धष्टपुष्ट पोरं असतात. बाप कमावतो म्हणून ते निश्चिंत असतात‌. एका अपघातात कुटुंब प्रमुखाला आपला हात गमवावा लागतो. कुटुंबप्रमुख त्याच्या कामाशी संबंधित आस्थापनेत प्रामाणिकपणे काम करत असतो. म्हणूनच संबंधित आस्थापना अर्ध्या पगारावर कुटुंब प्रमुखाला नोकरीवर कायम ठेवते. पण अर्ध्या पगारात त्याच्या कुटुंबाचे अर्थचक्र प्रभावित होते. शुद्ध बिजापोटी रसाळ फळे उपजतात, हे प्रमाणभूत सत्य. त्यान्वये, बापाची झालेली आर्थिक कोंडी सोडविण्यासाठी हे चार पोरं पुढे येतात. मिळेल ते काम करतात. पैसे कमवत आपल्या कुटुंबाला तारतात. कुटुंबाची आर्थिक व सामाजिक प्रतिष्ठा वर्धिष्णू करतात. 'वसुधैव कुटुंबकम' या भारतीय संस्कृतीचे हे उदाहरण एक उत्तम निदर्शक.       उपरोक्त उल्लेखित उदाहरण आज घराघरांत पाहावयास मिळेल. कारण आहे कोरोना नावाची वैश्विक महामारी आणि त्यामुळे प्रभावित झालेली अर्थव्यवस्था. घसरलेला जीडीपी हा या महामारीचा दृश्य परिणाम आहे. हवं तर सुरुवातही म्हणूयात.  

पंधराव्या वित्त आयोगाच्या पहिल्या हप्त्यापोटी ग्रामपंचायतींना रुपये ६५ कोटी वितरीत –  बाळासाहेब रामनाथ क्षीरसागर, अध्यक्ष, जिल्हा परिषद, नाशिक         नाशिक (नरेंद्र पाटील)::- जिल्हा परिषदेस पंधराव्या वित्त आयोगा अंतर्गत निधी प्राप्त झाालेला आाहे. प्राप्त निधीतुन ८० टक्के निधी थेट ग्रामपंचायतींना तर जिल्हा परिषद १० टक्के व पंचायत समित्यांना १० टक्के निधी वितरीत करण्याबाबत शासनाच्या सुचना आहेत. नाशिक जिल्ह्यासाठी पंधराव्या वित्त आयोगातून पहिल्या हप्त्यापोटी रुपये ८२ कोटी ४ लाख ३७ हजार रुपये प्राप्त झालेले आहेत. नाशिक जिल्हयातील १३८५ ग्रामपंचायतींना शासन निर्देशानुसार रुपये ६५ कोटी ६३ लाख ४९ हजार रुपये पहिला हप्ता वितरीत करण्यात आलेला आहे. ग्रामपंचायत स्तरावरील निधीच्या वितरणाचे नियोजन, संनियंत्रण व समन्वयाची जबाबदारी ग्रामपंचायत विभागाचे उपमुख्य कार्यकारी अधिकारी यांची असणार आहे. ग्रामपंचायत स्तरावर विकास कामांचा निधी उपलब्ध नसल्यामुळे कृती आराखड्यातील मंजुर असलेली विकास कामे सुरु करण्यास विलंब होत होता. नाशिक जिल्ह्यात माहे मार्च २०२० पासुन आजतागायत कोविड - १९ च्या प्रादुर्भाव ल

नाशिक – जिल्हा परिषदेच्या वतीने अनुकंपा अंतर्गत १२० अनुकंपाधारकांना समक्ष बोलावून समुपदेशन पद्धतीने नियुक्ती आदेश देण्यात आले. जिल्हा परिषदेच्या परिचर, आरोग्य सहाय्यक, स्थापत्य अभियंता, शिक्षण सेवक, मुख्य सेविका, पशुधन पर्यवेक्षक या रिक्त पदांवर सर्व उमेदवारांना नियुक्ती देण्यात आली आहे. जिल्हा परिषदेच्या मुख्य कार्यकारी अधिकारी लीना बनसोड यांच्या मार्गदर्शनाखाली गेल्या तीन महिन्यात पारदर्शक पध्दतीने मोठया प्रमाणात  कर्मचा-यांचे प्रश्न मार्गी लावण्यात आल्याने कर्मचा-यांमध्ये समाधान व्यक्त करण्यात येत आहे.            अनुकंपा अंतर्गत १२० उमेदवारांना समुपदेशनाने नियुक्ती देण्यात आली आहे. यामध्ये परिचर पदावर ४६, ग्रामसेवक पदावर १९, शिक्षण सेवक पदावर १२, पर्यवेक्षिका पदावर १, आरोग्य सेवक पदावर २८, आरोग्य सेविका १, प्रयोग शाळा तंत्रज्ञ १, पशुधन पर्यवेक्षक २, स्थापत्य अभियंता सहाय्यक ५, कनिष्ठ अभियंता २ व विस्तार अधिकारी कृषी १ अशा ११८ जणांना नियुक्ती आदेश देण्यात आले असून २ पदांवर नियुक्ती आदेश देणे बाकी असल्याची माहिती सामान्य प्रशासन विभागाचे उप मुख्य कार्यकारी अधिकारी आनंद पिंगळे यां