पोस्ट्स

फेब्रुवारी, २०२२ पासूनच्या पोेस्ट दाखवत आहे

शब्दगंध च्या पाथर्डी शाखेतर्फे साहित्यिकांचा सन्मान सोहळा संपन्न !

इमेज
शब्दगंध च्या पाथर्डी शाखेतर्फे  साहित्यिकांचा सन्मान सोहळा संपन्न !       पाथर्डी (प्रतिनिधी)::- मराठी साहित्य हे आपल्या माय बोलीतील साहित्य असते, ते अनुभवाने समृद्ध बनलेलं असतं आणि त्याला प्रवाहित करण्यासाठी साहित्यिकांची गरज असते, मराठी आपली माय बोली तसेच  राजभाषा असल्यामुळे तिला अभिजात भाषेचा दर्जा मिळायला हवा असे प्रतिपादन बाबुजी आव्हाड महाविद्यालयाचे प्राचार्य डॉ. जी. पी.ढाकणे यांनी केले.    शब्दगंध साहित्यिक परिषदेच्या पाथर्डी शाखेच्या वतीने श्री तिलोक जैन माध्यमिक विद्यालयात मराठी भाषा गौरव दिनानिमित्त आयोजित साहित्यिकांच्या सन्मान सोहळ्यात अध्यक्ष पदावरून ते बोलत होते, मराठी साहित्यात भर घालणाऱ्या पाथर्डी तालुक्यातील साहित्यिकांचा सन्मान करण्यात आला.           याप्रसंगी शब्दगंध साहित्यिक परिषदेचे संस्थापक सचिव सुनील गोसावी, मकरंद घोडके, पर्यवेक्षक विजयकुमार घोडके हे प्रमुख पाहुणे म्हणुन उपस्थित होते. यावेळी दिलीप सरसे यांचा 'दिंडी 'आणि 'कट्टा ' या कादंबरी बद्दल, श्रीमती विद्या भडके यांचा 'उठे तुफान काळजात' या काव्यसंग्रहाबाबत, प्रा.डॉ.सुभाष शेकडे यांच

विद्यार्थ्यांनी कुसुमाग्रजांचा वारसा समर्थपणे पुढे चालवावा ! - प्राचार्या डॉ. सुचित्रा नाईक

इमेज
विद्यार्थ्यांनी कुसुमाग्रजांचा वारसा समर्थपणे पुढे चालवावा !          - प्राचार्या डॉ. सुचित्रा नाईक ठाणे-कल्याण ( प्रतिनिधी आशा रणखांबे )::- 'महाराष्ट्रभूषण, ज्ञानपीठ पुरस्कार विजेते विष्णू वामन शिरवाड़कर तथा कुसुमाग्रजांचा वारसा विद्यार्थ्यांनी समर्थपणे पुढे चालवावा, हीच त्यांना खरी आदरांजली ठरेल, असे उद्गार विद्या प्रसारक मंडळाच्या जोशी - बेडेकर कला - वाणिज्य महाविद्यालयाच्या प्राचार्या डॉ. सुचित्रा नाईक यांनी काढ़ले.             मराठी भाषा आणि साहित्य विभागातर्फे मराठी राजभाषा गौरव दिनानिमित्त आभासी मंचाद्वारे आयोजित केलेल्या कार्यक्रमात विद्यार्थ्यांशी संवाद साधताना त्या बोलत होत्या.             डॉ. सुचित्रा नाईक पुढे म्हणाल्या, "जीवनाचा प्रवास यशस्वी करणाऱ्या लेखक - कवींची अनेक पुस्तके विद्यार्थ्यांनी घडत्या वयात वाचायला हवीत. पुस्तके जीवनाला दिशा देतात. ही योग्य दिशा महाविद्यालयीन जीवनात मिळणे गरजेचे असते. कुसुमाग्रजांचा जन्मदिन आपण मराठी राजभाषा गौरव दिन म्हणून साजरा करतो. आज विद्यार्थ्यांनी कवितांतून ज्या प्रकारे स्वतःला व्यक्त केले त्याबद्दल त्यांचे कौतुक करावे तेव

ग्रामविकासाची शाळा ! सर्वसाधारण पंचवार्षिक सभांचे इतिवृत्त पुस्तक रुपात प्रसिद्ध होणारे महाराष्ट्र राज्यातील पहिलेच पुस्तक !

इमेज
नाशिक जिल्हा परिषदेच्या पंचवार्षिक सर्वसाधारण सभांचे इतिवृत्त पुस्तक रुपात प्रसिद्ध !         नाशिक जिल्हा परिषदेचे २१मार्च, २०१२ ते २० मार्च, २०१७ या कालावधीतील पंचवार्षिक सर्वसाधारण सभांचे इतिवृत्त "ग्रामविकासाची शाळा" हे शीर्षक घेऊन प्रसिद्ध करण्यात आलेले आहे. या पुस्तकाचे संपादक म्हणून उपमुख्य कार्यकारी आनंदराव पोपट पिंगळे यांनी जबाबदारी स्विकारुन पुस्तकाचे संकलन व संकल्पना आरोग्य विभागाचे मुख्य औषध निर्माण अधिकारी जी.पी. खैरनार यांनी केले आहे. जिल्हा परिषदेत दिनांक २८फेब्रुवारी, २०२२ रोजी ऑनलाईन पद्धतीद्वारे सर्वसाधारण सभेचे आयोजन करण्यात आले होते. जिल्हा परिषदेच्या सर्वसाधारण सभेच्या मध्यान्ह काळात "ग्रामविकासाची शाळा" या पुस्तकाचे प्रकाशन अध्यक्ष नामदार बाळासाहेब क्षिरसागर, मुख्य कार्यकारी अधिकारी लीना बनसोड, उपाध्यक्ष डॉ. सयाजीराव गायकवाड, ऑनलाइन सभेत उपस्थित आरोग्य व शिक्षण समिती सभापती सौ. सुरेखाताई दराडे, समाजकल्याण समिती सभापती सौ. सुशिला मेंगाळ, कृषी व पशुसंवर्धन समिती सभापती संजय बनकर, महिला व बालकल्याण समिती सभापती श्रीमती अश्विनीताई आहेर, अतिरिक्त म

विद्यार्थी सदिच्छा समारंभ ! ज्या क्षेत्राची तुम्हांला मनापासून आवड आहे, त्याच क्षेत्राकडे वळा- संजय खोचारे

इमेज
१२ वी विद्यार्थी सदिच्छा समारंभ ! गारगोटी(२८, प्रतिनिधी)::-विस्तीर्ण जगात विविध क्षेत्रात तुमच्यासाठी खूप संधी उपलब्ध आहेत. आवडीच्या क्षेत्रात झोकून देऊन परिश्रम करा, यश तुमच्या मागून धावत येईल असे प्रतिपादन संजय खोचारे यांनी केले. श्री आनंदराव आबिटकर इंग्लिश मिडीअम स्कूल व ज्युनिअर काॕलेज मध्ये १२ वी विद्यार्थी सदिच्छा समारंभात प्रमुख वक्ते म्हणून ते बोलत होते. प्राचार्य बाजीराव जठार अध्यक्षस्थानी होते. तर अजितदादा आबिटकर प्रमुख उपस्थित होते.            यावेळी बोलतांना खोचारे म्हणाले , दुसऱ्याने निवडले म्हणून तुम्ही तेच क्षेत्र निवडू नका. ज्या क्षेत्राची तुम्हांला मनापासून आवड आहे, त्याच क्षेत्राकडे वळा. अभ्यासाचे नियोजन करा. आजचे श्रम उद्या सुखाचे दिवस दाखवतील. स्वागत गुरूनाथ शेणवी यांनी केले. प्रास्तविक प्राचार्य बाजीराव जठार यांनी केले. सुत्रसंचालन स्नेहल सुतार यांनी केले. यावेळी माधुरी अस्वले , हरिप्रिया चुडेकर, सानिका गोडसे, आयुषी देसाई यांनी मनोगते व्यक्त केली. यावेळी निलम चौगले, विजय ईर हे शिक्षक हजर होते. राष्ट्रीय विज्ञान दिनानिमित्त आयोजित विज्ञान प्रदर्शनाचे उद्घाटन संज

नवाब मलिकांच्या पाठिशी राष्ट्रवादी ठाम !

इमेज
नवाब मलिकांच्या पाठिशी राष्ट्रवादी ठाम ! मुंबई ::-तब्बल आठ तासांच्या चौकशीनंतर मनी लॉंड्रिंगच्या प्रकरणात राज्याचे अल्पसंख्याक मंत्री नवाब मलिक यांना ईडीने अटक केली आहे. ३ मार्च पर्यंत त्यांना कोठडी सुनावली आहे. त्याचा तीव्र निषेध करत शिवडी तालुका राष्ट्रवादी काँग्रेसचे अध्यक्ष उमेश येवले, प्रदेश सचिव बबन कनावजे, महिला जिल्हा अध्यक्ष वैशाली कडणे, शरद श्रृंगारे, विलास तळेकर, राजेश राणे, रमेश चौबे, अनिल कदम, सुभाष गोरेगावकर, रवी कदम, सुमीत राणे यांच्या समवेत संतप्त राष्ट्रवादी काँग्रेसच्या पदाधिकाऱ्यांनी आणि कार्यकर्त्यांनी यावेळी इडी आणि केंद्र सरकारच्या विरोधात शिवडी नाका येथे जोरदार घोषणाबाजी केली. राज्याचे अल्पसंख्याक मंत्री नवाब मलिक यांची अटक चुकीची असल्याचं सांगत राष्ट्रवादी पक्षाने त्यांच्या मागे ठाम राहण्याचा निर्णय घेतला आहे. त्यामुळे त्यांच्या मंत्रिपदाचा राजीनामा घ्यायचा नाही असं पक्षाच्या बैठकीत ठरलं आहे. तसेच महाविकास आघाडीच्या मंत्र्यांनीही राष्ट्रवादीच्या या भूमिकेला पाठिंबा देण्याची भूमिका घेतली आहे. नवाब मलिक यांच्यावर ईडीने कारवाई केल्यानंतर ते मंत्रिपदाचा राजीनामा

माझी माय मराठी ३) मुंबई मराठी ग्रंथसंग्रहालय वर्धापन दिन सोहळा उत्साहात साजरा !

इमेज
मुंबई मराठी ग्रंथसंग्रहालय विलेपार्लेचा वर्धापन दिन सोहळा उत्साहात साजरा मुंबई (गुरुदत्त वाकदेकर) : मराठी भाषा दिन व मुंबई मराठी ग्रंथसंग्रहालय विलेपार्ले शाखेचा वर्धापनदिन सोहळा प्रबोधनकार ठाकरे संकुल विलेपार्ले येथे आयोजित करण्यात आला. त्यावेळी वेगवेगळ्या क्षेत्रातील अनेक मान्यवर आणि रसिक श्रोते उपस्थित होते. कार्यक्रमाचे अध्यक्ष, मुंबई मराठी ग्रंथ संग्रहालयाचे प्रमुख कार्यवाह रवींद्र गावडे तसेच  ज्येष्ठ लेखक अरुण फडके यांच्या शुभहस्ते ज्येष्ठ साहित्यिका माधवी कुंटे लिखित 'देशोदेशीच्या लोककथा' या ४ बाल कथासंग्रहाचे व लता गुठे लिखित मुलांसाठी मजेदार काव्यकोडी अशा ५ पुस्तकांचे प्रकाशन झाले. प्रबोधनकार ठाकरे संकुलचे अरविंद प्रभू आणि लेखक गुरुनाथ तेंडुलकर यांची विशेष उपस्थिती यावेळी होती.        मुंबई मराठी ग्रंथसंग्रहालय विलेपार्लेच्या वतीने स्वरचित कथा स्पर्धेच्या पुरस्कारांचे वितरण मंदाकिनी भट आणि पूजा राईलकर यांच्या हस्ते झाले. चित्रा वाघ यांना प्रथम पुरस्कार, उज्वला पै यांना द्वितीय पुरस्कार आणि चारुलता काळे यांना तृतीय पुरस्कार प्रदान करण्यात आले. 'पुस्तकं माणसाला घडव

मिरजच्या डॉ. रविंद्र फडकेंना क्लासेस संघटनेचा "सेवादीप" पुरस्कार प्रदान! पालकांनी मुलांवर लहानपणापासूनच समाजसेवेचे संस्कार करावेत- डॉ. फडके

इमेज
मिरजच्या डॉ. रविंद्र फडकेंना क्लासेस संघटनेचा "सेवादीप" पुरस्कार प्रदान! नाशिक (प्रतिनिधी)::-आयुष्यात शंभरपेक्षा जास्त वेळा रक्तदान करणारे, विविध सामाजिक उपक्रम रराबवणारे, ३८ वर्षे अध्यापनाचे कार्य आणि राज्यसंघटना मजबूतीसाठी नेहमीच झटणारे, मिरजेचे डॉ. रविंद्र फडके यांना, कोचिंग क्लासेस संचालक संघटना नाशिकच्या वतीने देण्यात येणारा यंदाचा "सेवादीप पुरस्कार " आज संघटनेच्या कार्यालयाच्या सभागृहात, स्मृतीचिन्ह, मानपत्र, शाल श्रीफळ दैऊन, संघटनेचे अध्यक्ष जयंत मुळे यांच्या हस्ते प्रदान करण्यात आला. यावेळी फडके म्हणाले की, "नविन पिढीतल्या तरुणांमध्ये, समाजसेवेची आवड क्वचितच दिसते आहे. मोबाईल, नोकरी व्यवसाय यामध्ये त्यांचा वेळ इतका जातो की, त्यांची समाजकार्याची जाणीवच बोथट होत चालली आहे यासाठी पालकांनी लहानपणापासूनच समाजसेवेचे संस्कार करावेत. "यावेळी मिनाक्षी फडके, संघटनेचे उपाध्यक्ष अशोक देशपांडे, राज्य प्रतिनिधी रविंद्र पाटील, माजी अध्यक्ष प्रकाश डोशी, दिफक गुप्ता, संतोष पवार, खजिनदार लोकेश पारख. प्रतिभा देवरे आदी पदाधिकारी व क्लासेस संचालक उपस्थित होते.

रसिकांना मिळाली लतायुगाची सुरेल अनुभूती !

इमेज
रसिकांना मिळाली लतायुगाची सुरेल अनुभूती !         नाशिक ( प्रतिनिधी ):- स्वर्गीय भारतरत्न लतादीदींची सुरेल गाणी सादर करून काल नाशिकच्या गायिका व गायकांनी भावस्वरांची सुरांजली अर्पण केली. गायिकांनी सोलो गाणी गाऊन आपली स्वरसमिधा वाहिली. गायकांनी युगलगीतात स्वरसाथ दिली. रसिक श्रोत्यांनी उपस्थित राहून लतायुगाची अनुभूती मिळवली. उत्तरोत्तर रंगत गेलेल्या या मैफलीत स्वरसम्राज्ञी लतादीदींच्या सुरेल आठवणींना उजाळा मिळाला.प्रारंभी प्रमुख पाहुणे संगीतकार संजय गीते, गायक संजय किल्लेदार, पत्रकार संजय देवधर यांच्या हस्ते प्रतिमा पूजन आणि दीपप्रज्वलन करण्यात आले.गीतेंनी अनुभव सांगितले.             नंदकुमार देशपांडे संचलित सरगम म्युझिक अकॅडमीतर्फे काल शनिवारी ( दि.२६) भारतरत्न लतादीदींना भावस्वरांची सुरांजली अर्पण करण्यासाठी कार्यक्रमाचे आयोजन करण्यात आले. ' मेरी आवाज ही पहेचान है..' ही सुरेल मैफल पंचवटी कारंजा जवळ लक्ष्मीबाळ सदन सभागृहात सायंकाळी झाली. तेरे बिना जिया जाए ना..., जिंदगी प्यार का गीत है..., दिल दिवाना बिन सजना के..., ए हवा मेरे संग संग चल..., सायोनारा सायोनारा..., तुम ही मेर

माझी माय मराठी ! २) स्मिता दळवी, खारघर, नवी मुंबई

इमेज
"मराठी भाषा दिवस" माय मराठी... साद मराठी "मराठी भाषेचा गंध जाई जुई मोग-याचा, लावू कपाळी टिळा माय मराठी मातीचा" मराठी साहित्याचा मानदंड असणारे, त्या अभिरुचीवर चार दशकांपेक्षा अधिक काळ प्रभाव गाजविणारे श्रेष्ठ प्रतिभावंत कवी, नाटककार, कथाकार, कादंबरीकार , लघूनिबंधकार व आस्वादक समीक्षक म्हणजे विष्णु वामन शिरवाडकर तथा तात्यासाहेब शिरवाडकर, अर्थात आपल्या सर्वांचेच लाडके कवी "कुसुमाग्रज" यांचा २७ फेब्रुवारी म्हणजे आज जन्मदिवस, अर्थात "मराठी राजभाषा दिवस" तथा "मराठी भाषा गौरव दिन" म्हणून साजरा केला जातो.  प्रामाणिक सामाजिक आस्था, क्रांतिकारक वृत्ती आणि शब्दकलेवर प्रभुत्व ही त्यांच्या काव्याची वैशिष्ट्यं आहेत.             आज मराठी राजभाषा दिवस आपण साजरा करत असताना एकच जाणवतं की जन्मल्यापासून लहान मुलं आपल्या आईजवळ तसंच स्नेहजनांच्या जवळ असतं तेव्हा ती आई किंवा आजूबाजूचे स्नेहजन ज्या भाषेत मुलांसोबत बोलतात, संवाद साधतात स्वाभाविकच मुलांची तीच मायबोली म्हणजे मातृभाषा होऊन जाते. महाराष्ट्रातील मराठी भाषा प्रत्येक प्रांतात निराळी आहे.  मराठी भ

माझी माय मराठी १) विजय सुर्यवंशी, जळगाव

इमेज
माझी माय मराठी               माझ्या मराठीची बोलू कौतुके               परी अमृतातेही पैजा जिंके               ऐसी अक्षरे रसिका मेळविन                                          - संत ज्ञानेश्वर           अमृताहुनी गोड असलेली आपली मराठी मायबोली ही आपल्या महाराष्ट्राची प्रमाण भाषा आहे. महाराष्ट्र हा मराठी भाषिकांचा प्रदेश असून संत ज्ञानेश्वरांपासून अलीकडच्या नवोदित साहित्यिकांपर्यंत सर्वांनी पावलोपावली मराठी भाषेच्या प्रचार प्रसारासाठी आपले अमूल्य योगदान दिले आहे. मराठी ही आपली मातृभाषा मायबोली बरोबरच आई देखील आहे. आईची माया जशी वत्सल,प्रेमाळू, दयाळू, मायाळू, असते. तशीच ती माय मराठीची देखील आहे. महाराष्ट्रातच नव्हे तर महाराष्ट्राच्याबाहेर देखील मराठी भाषा बोलणारे, मराठी भाषेवर प्रेम करणारे अनेक भाषिक देखील राहतात.            बाळ जेव्हा लहानपणी जन्माला येत तेव्हा प्रथम शब्द त्याच्या तोंडातून ' माॅ ' हा निघतो. ' माॅ ' म्हणजेच आई होय. कुटूंबातील सदस्यांचे वेगवेगळ्या प्रकारे कानावर पडणारे शब्द तो बाळ ऐकत असतो. आणि तेच शब्द ते बाळ आपल्या तोंडून उच्चारत असतो. अशाप्रकारे आपली

आम्ही चालवू हा कलावारसा...

इमेज
आम्ही चालवू हा कलावारसा...    आदिवासी वारली चित्रशैलीला ११०० वर्षांची प्रदीर्घ परंपरा आहे. या कलेच्या प्रसार - प्रचारासाठी माझे आजोबा पद्मश्री जिव्या सोमा म्हसे यांनी खूप मोठे योगदान दिले. अवघे आयुष्य वेचले. त्यांनी अक्षरशः क्रांती घडवली व चार भिंतीत असलेल्या वारली कलेला जगाचे दरवाजे उघडून दिले. आदिवासी पाड्यांवरची आमची ही चित्रभाषा जगातील अनेक देशांपर्यंत पोहोचली आहे. त्यात आमच्या म्हसे परिवाराचा मोलाचा वाटा आहे, याचा मला अभिमान वाटतो. माझे भाऊ, बहिणी सुरेख चित्रे रेखाटतात. आमचा हा समृद्ध कलावारसा आम्ही नक्कीच निष्ठेने पुढे चालवू. हा ठेवा पुढील पिढ्यांच्या हाती सोपविण्यात आमचे योगदान नक्कीच देऊ. सुनीता बरफ मनापासून असे सांगत होती.         डहाणू तालुक्यातील गंजाड येथे म्हसे परिवारात सुनीता हिचा जन्म १९८२ साली झाला. पद्मश्री जिव्या यांच्या सदाशिव या मुलाची सुनीता ही मोठी मुलगी. पुढच्या पिढीतील ती सर्वात मोठी असल्याने आजोबांचा सहवास तिला सर्वात जास्त लाभला. बालपणीच आपले घर परिसरातल्या इतरांपेक्षा काहीसे वेगळे आहे, याची तिला जाणीव झाली.            ती म्हणते,"आजोबा, वडील व काका

मराठा मोर्चाने ओलांडली महाराष्ट्राची वेस ! वडोदरा येथे राष्ट्रीय संघटन कार्यालयाचे उदघाटन !

इमेज
मराठा मोर्चाने ओलांडली महाराष्ट्राची वेस ! वडोदरा येथे राष्ट्रीय संघटन कार्यालयाचे उदघाटन ! मुंबई (गुरुदत्त वाकदेकर) : मराठा आरक्षणावरून महाराष्ट्रात सुरू झालेल्या मराठ्यांच्या संघटनात्मक चळवळीने महाराष्ट्राची वेस ओलांडत थेट वडोदरा, गुजरात गाठले. राष्ट्रीय संघटन कार्यालयाच्या उद्घाटनाच्या निमित्ताने येथे दिग्गज मराठा, मराठ्यांचे मोठे राष्ट्रीय संघटन उभारण्याच्या हेतूने एकत्र आले होते.         सदर कार्यक्रमासाठी एनकेजीएसबी  बँकेच्या संचालक मंडळाच्या चुरशीच्या  निवडणुकीत प्रतिनिधीत्व करणारे "आशिर्वाद पॅनेल" चे लढवय्ये नेतृत्व प्रेमानंद श्रीनिवास शानभाग आणि त्यांचे सहकारी उपस्थित होते. राष्ट्रीय अध्यक्ष उज्वलसिंह गायकवाड, संस्थापक अध्यक्ष सदानंदराव भोसले, गुजरात राज्यप्रमुख देवेश माने आणि बडोदा जिल्हाप्रमुख प्रदिप मोरे यांच्या प्रमुख उपस्थितीमध्ये उज्वलसिंह गायकवाड यांनी प्रेमानंद श्रीनिवास शानभाग आणि त्यांच्या सहकार्‍यांचे शाल आणि पुष्पगुच्छ देऊन यथोचित स्वागत केले.           सत्काराला उत्तर देताना प्रेमानंद शानभाग म्हणाले, "अवघ्या मराठा समाजाच्या प्रगतीसाठी आपण उभा क

केंद्रीय राज्य अर्थमंत्री यांच्याशी रविवार २७ फेब्रुवारी रोजी संवाद बैठक.

इमेज
केंद्रीय राज्य अर्थमंत्री यांच्याशी रविवार २७ फेब्रुवारी रोजी नासिक सीए शाखेत संवाद बैठक.     नासिक::- दि इंस्टिट्यूट ऑफ चार्टर्ड अकाउंटंट्स ऑफ इंडिया, नाशिक येथे दि. २ ७ फेब्रुवारी, २०२२ (रविवार)  रोजी दुपारी ०३ ते ०५.३० च्या दरम्यान नाशिक ICAI शाखेत राज्य अर्थमंत्री डॉ. भागवत कराड  यांची नाशिक चे औद्योगिक संस्था निमा, आयमा, टीपीए महाराष्ट्र चेम्बर्स ऑफ कॉमर्स, बँकर्स असोसिएशन, सीआरईडीएआय, बिल्डर्स असोसिएशन, लघु उद्योग भरती, इमा, सीएस, सीडब्लूए या संस्थांशी संवाद बैठक होत आहे.  या बैठकीत डॉ. भागवत कराड बजेट २०२२ आणि नाशिक शहरातील औद्योगिक क्षेत्रातील नवीन विकासाबाबत चर्चा करणार आहेत.        या संवाद बैठकीत नाशिक मधील जास्तीत जास्त सीए सभासदांनी आपला सहभाग नोदवून मोठ्या संखेने उपस्थित राहावे असे आवाहन आय.सी.ए.आय, नाशिकचे अध्यक्ष सोहिल शाह, उपाध्यक्ष  राकेश परदेशी, सचिव संजीवन तांबूळवाडीकर, खजिनदार जितेंद्र फाफत, अभिजित मोदी, मनोज तांबे, विशाल वानी व  पियुष चांडक यांनी केले आहे.

प्रथमेश पुंडेने स्वत:च्या रक्ताने लिहिलेले पत्र आज युवराज संभाजीराजे छत्रपती यांना आझाद मैदानावर देणार ! खालील लिंकवर क्लिक करून पाहा पत्रातील मजकूर !!

इमेज
निशब्द मराठा समाजाच्या प्रलंबित मागण्यांसाठी २६ तारखेला छत्रपती संभाजीराजे आझाद मैदानावर आमरण उपोषण करणार आहेत. या महाराष्ट्रातील मराठ्यांचं छत्रपती घराण्यावर असलेल्या प्रेमाचे प्रतिकच समजावे, संभाजीराजेंच्या आंदोलनाला पाठींबा देण्यासाठी करंजाडे शहरातील प्रथमेश पुंडे या तरुणाने स्वतःच्या रक्ताने पत्र लिहिले असून आज आझाद मैदानावर येऊन संभाजीराजेंना ते पत्र देणार आहे.        पत्रात प्रथमेश लिहीतो की,                 दि. २५/०२/२०२२              !! जयस्तू मराठा !!        !! एक मराठा लाख मराठा !! प्रती, युवराज संभाजीराजे छत्रपती , विषय:- दि. २६ फेब्रु. पासून आझाद मैदान, मुंबई येथील आमरण उपोषणाला जाहीर पाठिंबा,,, महाराज साहेब, मराठा समाजाच्या प्रमुख मागण्यांच्या अंमलबजावणी साठी उद्यापासून आझाद मैदान, मुंबई येथे उपोषणास बसत आहेत, जून २०२१ च्या राज्यसरकारने मराठा समाजाच्या मागण्या मान्य केल्या परंतु त्याची  अंमलबजावणी केली नाही.        सर्व शिफारशींची अंमलबजावणी लवकरात लवकर करून मराठा समाजाला आरक्षण देण्याची प्रक्रिया सुरू करावी.             मराठा आरक्षण व इतर प्रमुख मागण्यासाठी ख

मलिकांच्या राजीनाम्याची मागणी !!

इमेज
भाजपा शिवडी विधानसभेची मलिकांच्या राजीनाम्याची मागणी ! मुंबई (गुरुदत्त वाकदेकर) :  भारतीय जनता पार्टी शिवडी विधानसभा अध्यक्ष दिलीप धुरी ह्यांच्या अध्यक्षतेखाली नवाब मलिक यांच्या विरोधात आज (२४ फेब्रुवारी) भारतमाता सिनेमाच्या समोर लालबाग येथे आंदोलन करण्यात आले. त्यावेळी नवाब मलिक यांच्या विरोधात जोरदार घोषणाबाजी करण्यात आली. मलिकांनी त्वरीत राजीनामा द्यावा ही मागणी देखील करण्यात आली.              यावेळी भाजपा मुंबई उपाध्यक्ष व बेस्ट समिती सदस्य राजेश हाटले, भाजपा सार्वजनिक उत्सव समितीचे मुंबई अध्यक्ष अरुण (भाऊ) दळवी, दक्षिण मुंबई जिल्हा उपाध्यक्ष सतीश तिवारी, सचिव सत्पाल वाबळे, नितीन पवार, दक्षिण मध्य मुंबई सचिव नितेश पवार, शिवडी विधानसभा महामंत्री सचिन भोसले तसेच शिवडी विधानसभेतील सर्व पदाधिकारी, वॉर्ड अध्यक्ष राजेश परळकर, गणेश शिंदे, पार्थ बावकर, बाळासाहेब मुढे, आनंद सावंत, सर्व महिला मोर्चा पदाधिकारी व युवा मोर्चा पदाधिकारी आणि कार्यकर्ते उपस्थित होते.

जिल्हा परिषदेचा अभिनव उपक्रम, समन्वय सभेत विविध कामांचे सादरीकरण ग्रामसेवकांनी साधला उत्कृष्ट कामांव्दारे जिल्हा परिषदेशी ‘समन्वय’.

इमेज
समन्वय सभेत विविध कामांचे सादरीकरण ग्रामसेवकांनी साधला उत्कृष्ट कामांव्दारे जिल्हा परिषदेशी ‘समन्वय’ नाशिक – जिल्हा परिषदेच्या वतीने जिल्हा व तालुकास्तरीय अधिका-यांची समन्वयक सभा आज जिल्हा परिषद सभागृहात घेण्यात आली. एरव्ही आढावा व असमाधानकारक कामाबाबत कानउघाडणी अशाच पारंपरिक पध्दतीने होणा-या समन्वय सभेला छेद देत आज जिल्हयातील विविध कामांमध्ये उत्कृष्ट काम केलेल्या ग्रामसेवकांनी आपल्या कामांचे सादरीकरण करत ग्रामस्तर ते थेट जिल्हास्तर असा उत्तम ‘समन्वय’ साधला. जिल्हास्तरीय यंत्रणेकडून कोणताही आढावा न होता गटविकास अधिका-यांनीच विविध कामांबाबत सविस्तरपणे सादरीकरण केले. नाशिक जिल्हा परिषदेत अशाप्रकारचा पहिलाच अभिनव उपक्रम राबविण्यात आला. जिल्हा परिषदेच्या मुख्य कार्यकारी अधिकारी यांनी विविध कामांबाबत सुचना देऊन उत्कृष्ट काम केलेल्या कर्मचारी व अधिका-यांना शाबासकी दिली. जिल्हा परिषदेच्या वतीने आज तब्बल एक ते दिड वर्षांनंतर तालुकास्तरीय अधिकारी व जिल्हास्तरीय खातेप्रमुख यांच्या उपस्थितीत समन्वय सभेचे आयोजन करण्यात आले. जिल्हा परिषदेच्या मुख्य कार्यकारी अधिकारी श्रीमती लीना बनसोड यांच्या

शोभा नाखरे यांच्या लेखणीतून दिव्यांगांच्या कर्तृत्वाची 'दिव्य भरारी’ !

इमेज
शोभा नाखरे यांच्या लेखणीतून दिव्यांगांच्या कर्तृत्वाची 'दिव्य भरारी’ !        मुंबई (गुरुदत्त वाकदेकर) : दिव्यांगासाठी शिक्षणदानाचे कार्य केलेल्या शिक्षिका आणि राष्ट्रपती पदक विजेत्या शोभा नाखरे यांच्या 'दिव्य भरारी' या पुस्तकाचे प्रकाशन झाले असून ते वाचकांसाठी उपलब्ध करण्यात आले आहे. देश-विदेशात आपली कारकिर्द यशस्वी करणार्‍या तसेच दिव्यांग असूनही अविश्वसनीय कर्तृत्व सिद्ध केलेल्या निवडक १८ जणांच्या कार्याचा आढावा यात घेण्यात आला आहे. 'दिव्य भरारी' या पुस्तकाची प्रस्तावना रेणूताई गावस्कर यांची असून पुस्तकाचे प्रकाशन रामचंद्र प्रतिष्ठान, मुंबई यांच्या वतीने करण्यात आले आहे. पुस्तकाचे समर्पक मुखपृष्ठ छाया घाटगे आणि आतील चित्र  सागर बडवे यांनी रेखाटले आहे. नुकत्याच झालेल्या पॅराऑलिंपिकमध्ये भारताचे प्रतिनिधीत्व केलेला सुयश जाधव, राष्ट्रपती पदक विजेता जलतरणपटू सागर बडवे, असामान्य नृत्यांगना प्रेरणा सहाणे, उद्योजक श्रुती आणि वरुण बरगाले, जिनिव्हा येथील संयुक्त राष्ट्र संघाच्या परिषदेत सहभागी झालेली देवांशी जोशी, दृष्टीहीन असून इलेक्ट्रॉनिक वस्तूंची हाताळणी करणारे तसे

धर्मांतर - सद्यस्थितीतील कारणे आणि उपाय या विषयावर २६ फेब्रुवारी रोजी व्य़ाख्यानाचे आयोजन !!

इमेज
स्वा. सावरकर आत्मार्पण दिनानिमित्त सावरकर भक्तांचा मेळावा आणि व्याख्यान ! मुंबई (गुरुदत्त वाकदेकर) : स्वातंत्र्यवीर सावरकर यांच्या आत्मार्पण दिनानिमित्ताने शनिवार दिनांक २६ फेब्रुवारी २०२२ या दिवशी सकाळी १० वाजता दादर येथील पाटील मारूती सभागृहात सावरकर भक्तांचा मेळावा तसेच धर्मांतर - सद्यस्थितीतील कारणे आणि उपाय या विषयावर समीर दरेकर यांचे व्य़ाख्यान आयोजित करण्यात आले आहे. हा कार्यक्रम हिंदुमहासभा मुंबईच्या वतीने होत आहे. यावेळी हिंदुमहासभेचे महाराष्ट्र प्रदेश अध्यक्ष अनुप केणी उपस्थित राहतील. कार्यक्रमाच्या अध्यक्षस्थानी दिनेश भोगले असतील. अधिकाधिक देशभक्तांनी यावेळी उपस्थित रहावे, असे आवाहन आयोजकांच्या वतीने करण्यात आले आहे.  

चिंताजनक ब्रेकिंग न्यूज ! ब्रेकींग: रशियाकडून युक्रेनवर लष्करी कारवाईची घोषणा, जगभरात चिंता!

इमेज
ब्रेकींग: रशियाकडून युक्रेनवर लष्करी कारवाईची घोषणा,  जगभरात चिंता! मुंबई (गुरुदत्त वाकदेकर) : रशियाचे राष्ट्राध्यक्ष व्लादिमीर पुतिन यांना त्यांच्या देशाबाहेर लष्करी शक्ती वापरण्याचा अधिकार दिल्यानंतर मॉस्कोनं युक्रेनमधील आपल्या दूतावासाचा परिसर रिकामा केला आणि राजनैतिक कर्मचाऱ्यांना बाहेर काढलं. युक्रेनसोबत सुरू असलेल्या वादाच्या पार्श्वभूमीवर रशियाकडून राष्ट्राध्यक्ष पुतीन यांनी युद्धाची घोषणा केली आहे.          समाजमाध्यमांतून युक्रेनमध्ये शिरत असलेल्या रशियाच्या रणगाड्यांच्या व्हायरल होत असलेल्या द‍ृश्यांनी आणि युक्रेनमध्ये झालेल्या काही हल्ल्यांच्या स्फोटाच्या आवाजाने युक्रेनियन रहिवाशांना धडकी भरली आहे.           दरम्यान युक्रेननं बुधवारी (ता.२३ फेब्रुवारी) देशव्यापी ३० दिवसांसाठी आणीबाणी घोषित केली आहे. गरज भासल्यास आणखी ३० दिवसांची वाढ केली जाईल.         पूर्व युक्रेनमध्ये मोठ्या प्रमाणावर जीवित व वित्तहानी होईल, अशी भीती वर्तविली जात आहे. युक्रेनमध्ये सध्या जवजवळ २ लाख सैन्याची फौज आहे.         रशिया युक्रेनला तीन बाजूने सहज घेरू शकते किंवा बेलारूसच्या सीमेपासून युक्रेनच

साप्ताहिक न्यूज मसालाच्या २४ फेब्रुवारी च्या अंकात आपल्या बातमीला स्थान !

इमेज
साप्ताहिक न्यूज मसालाच्या २४ फेब्रुवारी च्या अंकात आपल्या बातमीला स्थान !

एन.के.जी.एस.बी. निवडणूकीत आशिर्वाद पॅनलला मराठा समाजाचा पाठिंबा ! हिंद मराठा महासंघ आणि मराठा सामाजिक संस्था यांच्या संयुक्त विद्यमाने समाज आर्थिकदृष्ट्या सक्षम होण्यासाठी हाती घेतलेल्या कार्याच्या अनुषंगाने......

इमेज
एन.के.जी.एस.बी. निवडणूकीत आशिर्वाद पॅनलला मराठा समाजाचा पाठिंबा !         मुंबई (गुरुदत्त वाकदेकर) : हिंद मराठा महासंघ आणि मराठा सामाजिक संस्था यांच्या संयुक्त विद्यमाने महाराष्ट्र भर मराठा समाज आर्थिकदृष्ट्या सक्षम व्हावा त्या दृष्टीने समाजातील जास्तीत जास्त तरुणांनी व्यावसायिक क्षेत्रात पदार्पण करावे यासाठी संघटनेने मोठ्या प्रमाणात कार्य हाती घेतले आहे. त्या अनुषंगाने अण्णासाहेब पाटील आर्थिक मागास विकास महामंडळाच्या माध्यमातून समाजातील तरुणांना त्वरित कर्ज मंजुरी मिळावी, तसेच अनेक बँकांशी देखील मराठा समाजातील व्यावसायिकांना व्यावसायिक कर्जे देण्यास पुढाकार घ्यावा यासाठी बोलणी सुरू आहेत. त्याला काही प्रमाणात यश मिळत आहे. त्याचाच एक भाग म्हणून एन.के.जी.एस.बी. बँकेच्या संचालक पदाची निवडणूक आहे. यामधील आशिर्वाद पॅनलचे उमेदवार प्रेमानंद शानबाग, संदेश मणेरीकर, अनंत पै, अॅड. सबनीस, नरसिंह पाल आणि त्यांच्या सहकाऱ्यांनी त्यांचे पॅनल निवडून आल्यास, शासकीय नियमांच्या अंतर्गत जास्तीत जास्त मराठा समाजातील तरुणांना व्यावसायिक कर्ज देण्यासाठी प्राधान्य दिले जाईल, असे आश्वासन देण्यात आले आहे. हि

न्यूज मसालाचा दि. २४ फेब्रुवारी २०२२ चा अंक ! संपादकीय____ अत्याधुनिक आरोग्यसेवेसाठी मजबूत पायाभूत सुविधा....

इमेज
न्यूज मसालाचा दि. २४ फेब्रुवारी २०२२ चा अंक, संपादकीय____ अत्याधुनिक आरोग्यसेवेसाठी मजबूत पायाभूत सुविधा....    काेराेनासारख्या इतरही सूक्ष्म किंवा अतिसूक्ष्म जिवाणूंपासून होणारे संभाव्य प्राणघातक आजार टाळण्यासाठी प्रधानमंत्री आयुष्मान भारत हेल्थ इन्फ्रास्ट्रक्चर मिशनच्या वतीने कंटेनमेंट प्रयोगशाळा बनविण्यात आली आहे. जवळपास २५ कोटींच्या या मोबाईल व्हॅनचे नाशिकमध्ये केंद्रीय आरोग्य व कुटुंबकल्याण राज्यमंत्री भारती प्रवीण पवार यांच्या हस्ते लोकार्पण झाले. पंतप्रधान नरेंद्र मोदी व केंद्रीय आरोग्य व कुटुंबकल्याण मंत्री मनसुख मांडवीया यांनी प्रधानमंत्री आयुष्मान भारत हेल्थ इन्फ्रास्ट्रक्चर मिशन ही आरोग्य सेवेतील पायाभूत सुविधा मजबूत करण्यासाठीची देशातील सर्वात मोठी योजना तयार केली आहे. एकीकडे व्यापक लसीकरण सुरू असतानाच संभाव्य धोक्यांवरही मात करण्याचे काम सुरु आहे.     या मिशनच्या वतीने बीएसएल-३ कंटेनमेंट प्रयोगशाळा बनविण्यात आली आहे. या प्रयोगशाळांमध्ये निदान आणि संशोधनाशी सुसंगत सुविधा व उपकरणे आहेत. ज्यात देशी आणि विदेशी सूक्ष्मजीव यावर संशोधन करण्यात येणार आहे. यातील कर्मचाऱ्यांना

कॉंग्रेसचा मार्चच्या दुसऱ्या आठवड्यात ओबीसी मेळावा !

इमेज
कॉंग्रेसचा मार्चच्या दुसऱ्या आठवड्यात ओबीसी मेळावा ......        नाशिक(प्रतिनिधी)::- स्थानिक स्वराज्य संस्थांच्या निवडणुका कॉंग्रेस स्वबळावर लढण्याच्या तयारीत असून मार्चच्या दुसऱ्या आठवड्यात ओबीसी मेळावाच्या निमित्ताने महानगरपालिका व जिल्हापरिषद निवडणुकीचे रणशिंग फुंकणार आहे. या मेळाव्यासाठी प्रदेशाध्यक्ष नाना पटोले, महसूलमंत्री बाळासाहेब थोरात, ओबीसी विभागाचे मंत्री विजय वडेट्टीवार, आदिवासी विकास मंत्री के.सी पाडवी, ओबीसी विभागाचे प्रदेशाध्यक्ष भानुदास माळी यांची प्रमुख उपस्थिती राहणार आहे.               कॉंग्रेसच्या ओबीसी विभागाच्या मेळाव्याच्या संदर्भात नियोजन बैठक महाराष्ट्र प्रदेश कॉंग्रेस ओबीसी विभागाचे उपाध्यक्ष तथा उत्तर महाराष्ट्राचे अध्यक्ष विजय राऊत यांच्या अध्यक्षतेखाली कॉंग्रेस भवन नाशिक येथे बुधवारी दुपारी पार पडली. या बैठकीला नाशिक जिल्हा ओबीसी विभागाचे अध्यक्ष सचिन कोठावदे, शहराध्यक्ष गौरव सोनार, प्रदेश सरचिटणीस अनिल कोठुळे, उपाध्यक्ष मिलिंद चित्ते, सरचिटणीस जैनू पठाण, सचिव मयूर वांद्रे, सहसचिव चारुशीला काळे, उत्तमराव बडदे,अशोक लहामगे,नंदकुमार येवलेकर,रोहन वेलदे, व

सह्याद्री हिरकणी पुरस्काराने सन्मानित !!

इमेज
प्रतिभा खैरनार सन्मानित ! नासिक:- जिल्ह्यातील नांदगाव येथील कवयित्री प्रतिभा खैरनार यांना सिंधुदुर्ग जिल्ह्यातील पिंगुळी येथे २० फेब्रुवारी रोजी पुरस्काराने सन्मानित करण्यात आले.            सह्याद्री राष्ट्रीय गडकिल्ले साहित्य कला संमेलन या संस्थेच्या वतीने पद्मश्री परशुराम गंगावणे यांच्या हस्ते 'सह्याद्री हिरकणी' पुरस्कार प्रदान करण्यात आला. प्रतिभा खैरनार यांना मिळालेल्या पुरस्काराबद्दल साहित्य क्षेत्रातून त्यांचे अभिनंदन करण्यात येत आहे.

मधुबाला,,,,,,,दि ब्युटी विथ ट्रजेडी ! २३ फेब्रुवारी स्मृतीदिनानिमित्त,,,,,,,,.

इमेज
दि ब्युटी विथ ट्रजेडी      २३     फेब्रुवारी , स्वर्गीय लावण्यवती मधुबालाचा स्मृतिदिन . प्रेमाचे प्रतीक असलेल्या 'व्हॅलेंटाइन डे' दिवशी ३६ वा वाढदिवस साजरा केल्यानंतर केवळ नऊ दिवसांनी मधुबालाचे जाणे अत्यंत दुर्दैवी होते. जेव्हा हिंदी चित्रपटसृष्टीतील सौंदर्याविषयी चर्चा रंगते तेव्हा मधुबाला हे नाव अग्रस्थानी असते.  मधुबाला ही हिंदी चित्रपट सृष्टीतील एक आघाडीची अभिनेत्रीच नव्हती तर ती भारतीय सौंदर्याचा मापदंड होती .  जाणकारांच्या मते तिच्याइतकी सुंदर अभिनेत्री तिच्या आधीही व तिच्यानंतरही हिंदी चित्रपट सृष्टीत झाली नाही.   अलौकिक सौदर्याचे देणं लाभलेल्या आणि विलक्षण अभिनय क्षमतेच्या मधुबालाने  'बॉम्बे टॉकीज' च्या   ‘बसंत ’ (१९४२) या चित्रपटातून ‘बेबी मुमताज’ या नावाने रुपेरी पडद्यावर पदार्पण केले. याच चित्रपटात 'मेरे छोटेसे मनमे छोटीसी दुनिया रे' हे गाणं पडद्यावर गाऊन भरपूर टाळ्याही घेतल्या होत्या. 'बसंत' नंतर सहा चित्रपटांतून तिने 'बालकलाकार' म्हणून काम करताना आपल्या अभिनयाची चुणूक दाखवायला सुरुवात केली होती.  बेबी मुमताजचं सौंदर्य पाहून अभि

दया म्हणजे धैर्य देणे ! ओम् शांती, ओम् शांती !!

इमेज
ओम शांति दया म्हणजे धैर्य देणे. जो दयाळू आहे तो दुर्बलांना धैर्य देऊ शकतो, कारण त्यांच्यातील सकारात्मक गुणांकडे पाहण्याची क्षमता आहे. दुर्बलांना नकारात्मक आणि निराशाजनक बोलण्याने कधीही कमकुवत केले जात नाही, परंतु त्यांच्यात दडलेल्या सामर्थ्याचा शोध घेण्यास आणि त्यांचा वापर करण्यास प्रोत्साहित केले जाते. त्यामुळे खरी दया समोरच्या व्यक्तीलाही बदलण्याचे धैर्य देईल. जेव्हा आपण इतरांवर दया करतो, तेव्हा आपण कधीही कोणावरही आशा सोडणार नाही, परंतु प्रत्येकासाठी शुभेच्छा देत राहु. व्यक्ती कोणत्याही प्रकारची असो, अगदी नकारात्मक परिस्थिती असतानाही, आपण आपल्या शुभेच्छांचा साठा नेहमी देत राहु. त्यामुळे इतरांकडून लगेच बदल घडवून आणण्याच्या अपेक्षेपासून आपण मुक्त होण्यास सक्षम आहोत.      ब्रम्हाकुमारी पुष्पा दिदि, नासिक

शिवसेनेची वचनपूर्ती ! पर्यावरणपुरक आणि अद्ययावत उद्यानाचे लोकार्पण !

इमेज
पर्यावरणपुरक आणि अद्ययावत मोहन रावले उद्यानाचे लोकार्पण ! मुंबईतलं नवं पर्यटन स्थळ शिवडी परिसरात !! मुंबई (गुरुदत्त वाकदेकर) : २०१७ च्या मनपा निवडणुकीच्या वेळेस शिवसेना पक्षाद्वारे दिलेल्या वचननाम्यात सचिन पडवळ यांनी समस्त शिवडीकरांना एक वचन दिले होते की, या शिवडी विभागात एक सुंदर असे उद्यान उभारले जाईल. शिवजयंतीच्या शुभ मुहूर्तावर ते स्वप्न अखेर पूर्ण झाले. वचननाम्याची, कर्तव्याची आणि उद्यानाची वचनपूर्ती झाली. नगरसेवक सचिन पडवळ यांच्या संकल्पनेतून प्रभाग क्रमांक २०६ मधील टी. जे. रोड येथील भारत इंडस्ट्रीज समोर "स्वर्गीय शिवसेना खासदार श्री. मोहन रावले उद्यानाचा लोकार्पण सोहळा" मुंबईच्या महापौर किशोरीताई पेडणेकर यांच्या शुभहस्ते पार पडला. यावेळेस मोहन रावले यांच्या पत्नी, मुलगी आणि परिवार देखील उपस्थित होते.        या उद्यानाचे वैशिष्ट्य म्हणजे पर्यावरण व राजशिष्टाचार मंत्री आदित्य ठाकरे यांनी पर्यावरणाचा समतोल राखण्यासाठी कार्यान्वित केलेली "माझी वसुंधरा" ही संकल्पना, सुशोभित प्रवेशद्वार, या उद्यानात "मियावाकी पद्धतीने" विलायती मेंधी, कदंब वृक्ष, पोफळी