आई वडीलांच्या अकल्पित निधनानंतर त्यांच्या इच्छेला भूषण ने विधी परीक्षेत प्रथम श्रेणीत येत संयमाने गवसणी घातली !

भूषण ओवे विधी परीक्षेत प्रथम श्रेणीने उत्तीर्ण

मुंबई (गुरुदत्त वाकदेकर) : मुंबई विद्यापीठाच्या वतीने घेण्यात आलेल्या एल. एल. बी. परीक्षेचा निकाल नुकताच जाहीर झाला असून, या परीक्षेत विवेकानंद एज्युकेशन सोसायटीचे विवेकानंद विधी महाविद्यालयात शिकणार्‍या भूषण गिरीष ओवे ७०% गुणांसह प्रथम श्रेणीने उत्तीर्ण झाले.    

      वडीलांचं आपत्कालीन निधन त्यानंतर आईने अविरत घेतलेले परिश्रम. कोरोना काळात तिचंही ह्या मुलांना एकाकी करून देवाघरी निघून जाणं. अशा विपरीत परिस्थितीत मनाचा जराही संयम ढळू न देता भूषण यांनी आपल्या आईचं स्वप्न साकार केलं. भूषण ओवे यांचे यश नेत्रदिपक असेच आहे. आज त्यांनी आपलं "भूषण" हे नाव सार्थ ठरवलं. विधी परीक्षेत उत्तीर्ण झाल्याबद्दल भूषण ओवे यांचे परिवारातील सदस्य, मित्रपरिवार आणि समाजातील विविध स्तरातून अभिनंदन होत आहे.