NEWS MASALA

जागतिक रेबीज दिन प्रतिबंधात्मक उपचारातून रेबीजपासून बचाव शक्य- डॉ.अविनाश गोरे रेबीज हा विषाणूमुळे होणारा गंभीर व जीवघेणा आजार आहे. रेबीजची लक्षणे सुरू झाल्यानंतर हा आजार जवळजवळ नेहमीच प्राणघातक ठरतो. मात्र, प्राण्याच्या चाव्यानंतर वेळ न दवडता योग्य प्रतिबंधात्मक उपचार घेतल्यास रेबीजपासून बचाव शक्य आहे. त्यामुळे कुत्रा किंवा अन्य संशयित प्राण्याने चावा घेतल्यास घाबरून न जाता तातडीने वैद्यकीय उपचार घेणे आवश्यक आहे.              दरवर्षी २८ सप्टेंबर रोजी जागतिक रेबीज दिन पाळला जातो. रेबीज प्रतिबंधाबाबत जनजागृती करणे, प्राण्यांचे लसीकरण वाढविणे आणि प्राण्याच्या चाव्यानंतर तातडीने प्रतिबंधात्मक उपचार घेण्याचे महत्त्व नागरिकांपर्यंत पोहोचविणे हा या दिनाचा प्रमुख उद्देश आहे. नाशिक जिल्ह्यात कुत्रे तसेच माकडांच्या चाव्यानंतर रेबीजच्या घटना नोंदविण्यात आल्या आहेत. त्यामुळे नागरिकांनी आवश्यक दक्षता घेणे गरजेचे आहे.     जखम १५ मिनिटे साबण व वाहत्या पाण्याने धुवा रेबीज प्रामुख्याने संक्रमित प्राण्याच्या लाळेद्वारे पसरतो. मानवांमधील बहुतांश रेब...

रक्तदानाचे दीड शतक पूर्ण करणारा सेवाव्रती पत्रकार _विश्वविक्रमी रक्तदाते पत्रकार डॉ.दिलीप केदारनाथ कोठावदे यांचा प्रेरणादायी, भावस्पर्शी रक्तदान प्रवास_ “रक्ताला जात नसते, धर्म नसतो, भाषा नसते, प्रांत नसतो… रक्ताला एकच ओळख असते—माणुसकी..!” आणि याच माणुसकीच्या नात्याला आपल्या आयुष्याचा धर्म मानून, रक्तदानाची अखंड सेवा करणारे ज्येष्ठ पत्रकार डॉ. दिलीप केदारनाथ कोठावदे, नाशिक यांनी आपल्या रक्तदानाच्या प्रवासातील १५० वे रक्तदान पूर्ण करण्याचा ऐतिहासिक, अभिमानास्पद आणि समाजप्रबोधनकारी टप्पा येत्या रविवारी २७ सप्टेंबर २०२६ रोजी गाठला जाणार आहे. रक्तदानाच्या क्षेत्रात १५० वेळा स्वतः रक्तदान करणे ही केवळ आकडेवारी नाही; तर त्यामागे अनेक वर्षांची निष्ठा, सातत्य, सामाजिक जाणीव आणि माणसाच्या जीवनाविषयी असलेली अपार आस्था दडलेली आहे. म्हणूनच डॉ. कोठावदे यांचा हा प्रवास रक्तदान करणाऱ्या प्रत्येकासाठी प्रेरणादायी, समाजासाठी अनुकरणीय आणि मानवतेच्या इतिहासात लक्षवेधी ठरतो. १८व्या वाढदिवशी सुरू झालेला अखंड सेवाप्रवास डॉ. कोठावदे यांच्या रक्तदानाची सुरुवात त्यांच्या १८व्या वाढदिवशी झाली.  ...

मविप्रची ११२ वी वार्षिक सर्वसाधारण सभा रविवारी : सरचिटणीस ॲड. नितीन ठाकरे ---------------------------------- १,२२९ कोटींचे विक्रमी अंदाजपत्रक ; ६०० हून अधिक सामंजस्य करार, ७,६१४ विद्यार्थ्यांना रोजगार ---------------------------------- नाशिक : ‘बहुजन हिताय, बहुजन सुखाय’ हे ब्रीद घेऊन गेल्या ११२ वर्षांपासून जिल्ह्यातील अठरापगड जातीतील लाखो विद्यार्थ्यांना शिक्षण देणाऱ्या मराठा विद्या प्रसारक समाज अर्थात, ‘मविप्र’ संस्थेची वार्षिक सर्वसाधारण सभा रविवार दि. २० रोजी दुपारी १:०० वाजता मराठा हायस्कूलच्या कै. तुकारामजी रौंदळ सभागृहात संपन्न होणार आहे. त्या अनुषंगाने संस्थेने प्रकाशित केलेला ११२ वा वार्षिक अहवाल व मागील वार्षिक सभेचे इतिवृत्त संस्थेच्या सर्व १० हजार ६६० सभासदांपर्यंत घरपोच दिले आहेत. तसेच त्यासोबत संस्थेचे मुखपत्र असलेल्या मविप्र पत्रिकेचा ‘रोजगार विशेषांक’ देखील प्रत्येक सभासदापर्यंत पोहोचविण्यात आला आहे, अशी माहिती संस्थेचे सरचिटणीस ॲड. नितीन ठाकरे यांनी पत्रकार परिषदेत दिली. मविप्र संस्थेच्या मध्यवर्ती कार्यालयात शुक्रवार दि. १८ रोजी आयोजित पत्रकार परिषदेस संस्थेचे सभापती ब...

नाशिकमध्ये ११ ते १३ सप्टेंबरदरम्यान प्रतिष्ठित किडनी विकार तज्ज्ञांची परिषद; देशभरातील तज्ज्ञांचा सहभाग 42nd ISN West Zone Conference 2026 च्या माध्यमातून '360° Kidney Care' चा संदेश        नाशिक : किडनीचा आजार म्हणजे केवळ किडनीपुरता मर्यादित असलेला आजार नाही. मधुमेह, उच्च रक्तदाब, हृदयविकार, वाढते वजन आणि जीवनशैलीशी संबंधित अनेक समस्या किडनीच्या आरोग्यावर परिणाम करू शकतात. विशेष म्हणजे किडनीच्या आजाराची सुरुवात अनेकदा कोणतीही ठळक लक्षणे न दाखवता होते. त्यामुळे आजार गंभीर होण्यापूर्वी त्याची कारणे, सुरुवातीचे संकेत आणि आवश्यक तपासण्या याबाबत नागरिकांमध्ये जागरूकता निर्माण होणे अत्यंत महत्त्वाचे आहे. याच पार्श्वभूमीवर '360° Kidney Care' चा संदेश घेऊन नाशिकमध्ये देशभरातील नामांकित किडनी विकार तज्ज्ञांची प्रतिष्ठित परिषद आयोजित करण्यात आली आहे.          इंडियन सोसायटी ऑफ नेफ्रॉलॉजी (ISN) - वेस्ट झोन आणि नेफ्रॉलॉजी फोरम ऑफ नाशिक यांच्या संयुक्त विद्यमाने आयोजित ४२ वी किडनी विकार तज्ज्ञांची (42nd ISN West Zone Conference 2026) ही परिषद ११ ते १३ ...

सिंहस्थ महाकुंभमेळा २०२७ गौतमी गोदावरी धरणातील बेटावर त्र्यंबकराजांची प्रतिकृती उभारणार पर्यटन विकासासाठी १७ कोटी ३४ लाख ९० हजार रुपयांच्या कामांना प्रशासकीय मंजुरी नाशिक ::- नाशिक त्र्यंबकेश्वर येथे पुढील वर्षी होणाऱ्य सिंहस्थ महाकुंभमेळाच्या पार्श्वभूमीवर त्र्यंबकेश्वर परिसरातील पर्यटन विकासाला चालना देण्यासाठी गौतमी गोदावरी धरण परिसरातील बेटावर बारा ज्योतिर्लिंगांपैकी एक असलेल्या श्री त्र्यंबकराजांची प्रतिकृती उभारण्यात येणार आहे. या कामासह मूर्ती परिसराचा विकास व विद्युत सुविधांसाठी जिल्हा वार्षिक योजनेतून एकूण १७ कोटी ३४ लाख ९० हजार रुपयांच्या खर्चास प्रशासकीय मान्यता देण्यात आली आहे.          कार्यकारी अभियंता, नाशिक पाटबंधारे विभाग यांच्या प्रस्तावानुसार श्री त्र्यंबकराजांच्या प्रतिकृतीच्या उभारणीसाठी ९ कोटी ९८ लाख रुपये, प्रतिकृर्ती सभोवतालच्या परिसर विकासासाठी ५ कोटी ४१ लाख रुपये, तर प्रतिकृतीसाठीचा परिसरात विद्युत कामांसाठी १ कोटी ९४ लाख रुपये खर्च करण्यात येणार आहेत. याबाबतची निविदाही प्रसिद्ध झाली असून लवकरच या कामास सुरुवात होणार आहेत....

समस्या मांडण्यासाठी विद्यार्थ्यांनी पोर्टलचा सकारात्मकतेने वापर करणे आवश्यक - कुलगुरू डॉ. व्यंकट गिते यांचे प्रतिपादन        नाशिक :  - विद्यार्थ्यांच्या शैक्षणिक समस्या जलद आणि पारदर्शक पद्धतीने विद्यापीठापर्यंत पोहोचण्यासाठी पोर्टल सारख्या माध्यमाची गरज असल्याचे प्रतिपादन विद्यापीठाचे कुलगुरु डॉ. व्यंकट गिते यांनी केले. महाराष्ट्र आरोग्य विज्ञान विद्यापीठाच्या मा. व्यवस्थापन परिषद बैठकीत विद्यापीठातर्फे ऑनलाइन विद्यार्थी तक्रार निवारण पोर्टलचा शुभारंभ कुलगुरू डॉ. व्यंकट गिते यांच्या हस्ते करण्यात आला. या बैठकीस अध्यक्षस्थानी डॉ. गिते यांच्या समवेत व्यवस्थापन परिषदेचे सदस्य डॉ. सचिन मुंबरे, डॉ. विलास वांगीकर, डॉ. मिलिंद आवारे, डॉ. विठ्ठल धडके, डॉ. राजकुमार पाटील, कुलसचिव डॉ. राजेंद्र बंगाळ, परीक्षा नियंत्रक डॉ. संदीप कडू, वित्त व लेखाधिकारी बी. जे. सोनकांबळे, विद्यार्थी कल्याण संचालक डॉ. देवेंद्र पाटील, अधिष्ठाता डॉ. किरण पाटोळे उपस्थित होते.                       यावेळी विद्यापीठाचे कुलगुरू डॉ....

मुंबई-धुळे मार्गिका खुली, उर्वरित काम १५ ऑक्टोबरपर्यंत द्वारका जंक्शनवरील वाहतुकीला दिलासा कुंभमेळा प्राधिकरण आयुक्त शेखर सिंह यांची माहिती नाशिक  : नाशिक शहरातील द्वारका जंक्शन येथील वाहतूक कोंडी कमी करण्याच्या दृष्टीने सुरू असलेल्या कामाला वेग आला असून, मुंबई-धुळे दिशेचा रस्ता वाहतुकीसाठी खुला करण्यात आला आहे. उर्वरित रस्त्याचे काम १५ ऑक्टोबर २०२६ पर्यंत पूर्ण करण्याचे निर्देश महाराष्ट्र राज्य पायाभूत सुविधा विकास महामंडळाला (MSIDC) देण्यात आले आहेत. तसेच पुण्याच्या दिशेने जाणारा सर्व्हिस रोड पूर्ण १३.५ मीटर रुंदीने विकसित करण्याचा निर्णय घेण्यात आला आहे, अशी माहिती नाशिक त्र्यंबकेश्वर कुंभमेळा प्राधिकरणाचे आयुक्त शेखर सिंह यांनी आज पत्रकार परिषदेत दिली.          प्राधिकरणाच्या कार्यालयात आयोजित पत्रकार परिषदेत ते बोलत होते. त्यांनी सांगितले की, द्वारका जंक्शन येथील सुरू असलेल्या कामाची पाहणी ३१ ऑगस्ट रोजी आमदार प्रा. देवयानी फरांदे, नाशिक पोलिस आयुक्त डाॅ. संदीप कर्णिक, नाशिक महानगरपालिका आयुक्त मनीषा खत्री यांच्या उपस्थितीत करण्यात आली. ...

महाराष्ट्र आरोग्य विज्ञान विद्यापीठाची विद्यार्थी परिषद निवडणूक संपन्न         नाशिक: - महाराष्ट्र आरोग्य विज्ञान विद्यापीठात विद्यार्थी परिषद निवडणूक खेळीमेळीच्या वातावरणात संपन्न झाली. विद्यापीठ विद्यार्थी परिषदेवर विजयी पदाधिकाऱ्यांचे विद्यापीठाचे कुलगुरु डॉ. व्यंकट गिते, निवडणूक निर्णय अधिकारी तथा कुलसचिव डॉ. राजेंद्र बंगाळ, विद्यार्थी कल्याण विभागाचे संचालक डॉ. देवेंद्र पाटील यांनी अभिनंदन केले.       यावेळी विद्यापीठाचे कुलगुरु डॉ. व्यंकट गिते यांनी विद्यापीठ विद्यार्थी परिषदेवरील नवनिर्वाचित पदाधिकाऱ्यांना विद्यापीठातर्फे शुभेच्छा दिल्या. यावेळी ते म्हणाले की, विद्यार्थ्यांनी आपले शैक्षणिक समस्या प्रतिनधींमार्फत विद्यापीठाकडे दिल्यास त्याची तत्परतेने कार्यवाही करण्यात येईल. संशोधन, विविध विद्यार्थी कल्याणकारी योजना, शिष्यवृत्ती, क्रीडा व सांस्कृतिक आदींकरीता विद्यार्थ्यांकरीता काम करण्यात येईल. आरोग्य विषयक सामाजिक जनजागृतीकरीता आपले सहकार्य महत्वाचे आहे त्यासाठी विद्यापीठाच्या विविध उपक्रमात सक्रिय सहभाग घ्यावा. विद्यापीठ प्रशासन व विद्यार...

ईएसडीएस सॉफ्टवेअर सोल्युशन लिमिटेडच्या आयपीओला उत्तम प्रतिसाद - आयपीओच्या पहिल्याच दिवशी २.१ पट प्रतिसाद इएसडीएस सॉफ्टवेअर सोल्यूशन लिमिटेड चा आयपीओ २८ ऑगस्ट २०२६ रोजी उघडला ,  प्रति इक्विटी शेअर किंमत पट्टा (Price Band) ₹४०८ ते ₹४२९ निश्चित (दर्शनी मूल्य ₹१ प्रति शेअर) • प्रति इक्विटी शेअर किंमतपट्टा ₹४०८– ₹४२९ निश्चित • बोली/इश्यू उघडण्याची तारीख – २८ ऑगस्ट २०२६ आणि बोली/इश्यू बंद होण्याची तारीख – १ सप्टेंबर २०२६ • किमान बोली लॉट ३४ इक्विटी शेअर्स आणि त्यानंतर ३४ इक्विटी शेअर्सच्या पटीत       नाशिक : इएसडीएस सॉफ्टवेअर सोल्यूशन लिमिटेड कंपनीने तिच्या इनिशियल पब्लिक ऑफरसाठी (आयपीओ) ₹१ दर्शनी मूल्य असलेल्या प्रति इक्विटी शेअरचा किंमतपट्टा ₹४०८ ते ₹४२९ निश्चित केला आहे. कंपनीचा इनिशियल पब्लिक ऑफरिंग (आयपी" किंवा इश्यू) सबस्क्रिप्शनसाठी २८ ऑगस्ट २०२६ रोजी उघडून १ सप्टेंबर २०२६ रोजी बंद होईल. गुंतवणूकदार किमान ३४ इक्विटी शेअर्ससाठी आणि त्यानंतर ३४ इक्विटी शेअर्सच्या पटीत बोली लावू शकतात. इश्यू-पूर्व उर्वरित ₹१ दर्शनी मूल्याचे १००,४२७,७५३ इक्विटी ...

नाशिकच्या जडणघडणीत मविप्रचा मोलाचा वाटा : मुख्यमंत्री देवेंद्र फडणवीस मविप्र कृषी महाविद्यालयाच्या नूतन वास्तूचे दिमाखात उद्घाटन           नाशिक : कर्मवीरांच्या त्यागातून आणि अनेक समाजधुरीणांच्या अविरत परिश्रमातून ११२ वर्षांपूर्वी उभी राहिलेल्या मराठा विद्या प्रसारक समाज या संस्था आज राज्यातली एक अग्रणी आणि सर्वात मोठी म्हणून या संस्थेकडे पहिले जाते. अवघ्या पाच विद्यार्थ्यापासून सुरु झालेली संस्था आज दोन लाखांहून अधिक विद्यार्थी, ११ हजारांहून अधिक शिक्षक, मोठा कर्मचारी वर्ग अशा पद्धतीने मविप्रचे एका मोठ्या वटवृक्षात रुपांतर झाले आहे. नाशिक जिल्ह्यात आज इतका मोठा विस्तार या संस्थेने उभा केला आहे. त्यामुळे नाशिक जिल्ह्याच्या सामाजिक, शैक्षणिक आणि सांस्कृतिक जडणघडणीत मविप्र संस्थेचा मोलाचा वाटा आहे, असे गौरवोद्गार महाराष्ट्र राज्याचे मुख्यमंत्री देवेंद्र फडणवीस यांनी काढले.  मराठा विद्या प्रसारक समाज, नाशिक संस्थेच्या दिंडोरी तालुक्यातील नाशिक-पेठ महामार्गावरील मौजे चाचडगाव येथील १२८ एकरांच्या विस्तीर्ण परिसरासह अत्याधुनिक सुविधांनीयुक्त कर्मयोगी द...

कौशल्याचे प्रशिक्षण घेऊन महिलांनी स्वावलंबी व्हावे – हेमलता बिडकर जनशिक्षण संस्थानतर्फे महिलांना ब्युटी पार्लर किटचे वाटप           नाशिक (न्यूज मसाला सर्विसेस) : महिलांनी कौशल्याचे प्रशिक्षण घेऊन स्वतःचा व्यवसाय सुरू करावा आणि आर्थिकदृष्ट्या स्वावलंबी व्हावे. कौशल्याच्या माध्यमातून महिलांनी आर्थिकदृष्ट्या स्वावलंबी होऊन स्वतःच्या पायावर उभे राहावे. ब्युटी पार्लर प्रशिक्षणामुळे महिलांना रोजगाराची तसेच स्वयंरोजगाराची संधी उपलब्ध होणार असून, या किटचा उपयोग करून महिलांनी व्यवसाय सुरू करावा, असे आवाहन डांग सेवा मंडळ अध्यक्षा हेमलता बिडकर यांनी केले.            अखिल भारतीय महिला परिषद, नवी दिल्ली, सिन्नर महिला मंडळ, सिन्नर आणि जनशिक्षण संस्थान, नाशिक यांच्या संयुक्त विद्यमाने वावी, ता. सिन्नर येथे महिलांना ब्युटी पार्लर किटचे वाटप करण्यात आले. कार्यक्रमाच्या अध्यक्षस्थानावरून हेमलता बिडकर बोलत होत्या. जनशिक्षण संस्थानच्या माध्यमातून महिलांसह विविध वंचित घटकांना रोजगाराभिमुख कौशल्य प्रशिक्षण देण्यावर भर दिला जात आहे. महिला सक्षमीकरण...

मविप्रच्या डॉ. वसंतराव पवार रुग्णालयात देहदात्यांच्या नातेवाईकांचा सन्मान ! देहदान करणाऱ्या कुटुंबांचा सन्मान म्हणजे समाजाप्रती कृतज्ञता : डॉ. हेमांगी पाटील नाशिक : कर्मवीरांच्या विचारांची मुहूर्तमेढ रोवून एका छोट्याशा विचाराचे रूपांतर मराठा विद्या प्रसारक समाजासारख्या क्रांतिकारी वटवृक्षात झाले आहे. आज सोशल मीडिया आणि कृत्रिम बुद्धिमत्तेच्या (एआय) आव्हानात्मक काळात संवेदनशीलता व मूल्ये जपणे अधिक गरजेचे आहे. देहदान करणाऱ्या दात्यांचा सन्मान हा समाजाप्रती कृतज्ञता व्यक्त करणारा निश्चितच कौतुकास्पद उपक्रम आहे, असे प्रतिपादन अप्पर जिल्हाधिकारी डॉ. हेमांगी पाटील यांनी केले.              मराठा विद्या प्रसारक समाज, नाशिक यांच्या आडगांव येथील डॉ. वसंतराव पवार वैद्यकीय महाविद्यालय, रुग्णालय व संशोधन केंद्रामध्ये मविप्र समाजाच्या समाजदिनानिमित्त आयोजित देहदान करणाऱ्या दात्यांच्या नातेवाईकांच्या कृतज्ञता सत्कार सोहळ्याप्रसंगी त्या बोलत होत्या. महाविद्यालयाच्या शरीररचनाशास्त्र विभागाच्या वतीने या कार्यक्रमाचे आयोजन करण्यात आले होते.     ...

आवाहन - बेरोजगारांच्या सेवा सहकारी संस्थांनी प्रस्ताव सादर करावेत. स्थापन केलेल्या काम वाटप समितीच्या माध्यमातून १० लाखांपर्यंतची कामे विना निविदा देण्यात येणार ! नाशिक शासकीय व निमशासकीय कार्यालयातील विविध प्रकारची रु. १० लाखांपर्यंतची कामे बेरोजगारांच्या नोंदणीकृत सेवा सहकारी संस्थांना विना निविदा देण्यासाठी शासन निर्णयानुसार जिल्हा परिषद तसेच जिल्हास्तरीय काम वाटप समितीची स्थापना करण्यात आली आहे. या समितीकडे शासकीय व निमशासकीय कार्यालयांकडून कामांचे प्रस्ताव प्राप्त होतात. त्यानुषंगाने नाशिक जिल्ह्यातील कार्यरत इच्छुक सेवा सहकारी संस्थांनी आपले प्रस्ताव दि. २१ ऑगस्ट २०२६ पर्यंत कार्यालयास सादर करावेत, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त वि. रा. रिसे यांनी केले आहे. प्रस्तावासोबत  १) सेवा सहकारी संस्थेचे ऑगस्ट २००० नंतर स्थापना करण्यात आल्याचे नोंदणी   प्रमाणपत्र (सहकार कायदा १९६० अंतर्गत).,  २) संस्थेच्या मागील दोन आर्थिक वर्षांच्या लेखा परीक्षण अहवालांच्या छायाप्रती,  ३) सेवा सहकारी संस्थेतील सभास...

रक्तातही भ्रष्टाचार? रक्तपेढी व्यवस्थेसमोरील वाढते प्रश्न आणि विश्वास पुनर्स्थापनेची गरज एक चिंतनात्मक अभ्यासलेख लेखक : डॉ. दिलीप के. कोठावदे, नाशिक चांगोदर (गुजरात) येथे कथित बनावट ब्लड प्लाझ्मा रॅकेट उघडकीस आल्याच्या वृत्ताने संपूर्ण देशातील रक्तदाते, रुग्ण, डॉक्टर आणि समाजमन हादरले आहे. या प्रकरणाचा तपास अद्याप सुरू असून सत्य न्यायालयीन प्रक्रियेनंतरच स्पष्ट होईल. परंतु या घटनेने एक अत्यंत महत्त्वाचा प्रश्न पुन्हा ऐरणीवर आणला आहे—भारतातील रक्त संक्रमण व्यवस्था किती सुरक्षित, पारदर्शक आणि उत्तरदायी आहे?          रक्तदान हा व्यवहार नसतो; तो विश्वासाचा करार असतो. एक रक्तदाता कोणत्याही अपेक्षेशिवाय आपल्या शरीरातील रक्ताचा अंश एका अनोळखी व्यक्तीच्या जीवनासाठी अर्पण करतो. तो विश्वास ठेवतो की त्याचे रक्त योग्य पद्धतीने संकलित होईल, वैज्ञानिक निकषांनुसार तपासले जाईल, सुरक्षितरीत्या साठवले जाईल आणि ज्या रुग्णाला त्याची गरज आहे त्याच्यापर्यंत शुद्ध स्वरूपात पोहोचेल.         हा विश्वास तुटला तर त्याची किंमत केवळ एका प्रकरणापुरती मर्यादित राहत नाही; त...

दिवाळी अंकासाठी साहित्य पाठविण्याचे आवाहन ! साप्ताहिक न्यूज मसाला चा १५वा "लोकराजा" दिवाळी विशेषांक २०२६, नासिक::- साप्ताहिक न्यूज मसाला च्या "लोकराजा" (वर्ष १५ वे) दिवाळी अंकासाठी साहित्य पाठविण्याचे आवाहन संपादक नरेंद्र पाटील यांच्याकडून करण्यात आले आहे. 📍📍साहित्य ३० जुन २०२६ पर्यंत पाठविण्यात यावे !📍📍 संपादक, न्यूज मसाला, लोकराजा दिवाळी अंक  ३०३, राॅयल होम्स, कॅनडा काॅर्नर, शरणपूर, नासिक, ४२२००२ किंवा Email- newsmasala1@gmail.com अधिक माहितीसाठी मो. 7387333801 वर संपर्क करावा.              राष्ट्रीय विक्रम प्राप्त एकमेव दिवाळी विशेषांक तथा आंतरराष्ट्रीय दिवाळी अंक संघटना स्पर्धेत निवड व गौरव पुरस्कार तसेच काव्यमंच पुरस्कारासह अनेक मान्यवरांनी गौरविलेल्या, ११ वर्षे मुखपृष्ठावर आजी-माजी संसद सदस्याचे छायाचित्र प्रकाशित करणारा एकमेव दिवाळी विशेषांक ठरला आहे व २०२३ ला प्रभू श्रीराम मंदीराचे मुखपृष्ठ, २०२४ ला श्री विठ्ठल मंदिर, २०२५ ला श्री साईबाबा मंदिराचे मुखपृष्ठ प्रकाशित करुन आणखी एका नवीन विक्रमाच्या दिशेने वाटचाल सुरू करण्यात आली आहे. ...

३१ मे २०२६ पुण्यश्लोक अहिल्यादेवी होळकर जयंतीनिमित्त विशेष लेख महाराष्ट्राची लोकमाता : पुण्यश्लोक अहिल्यादेवी होळकर महाराष्ट्राच्या इतिहासाला अनेक थोर संत, समाजसुधारक आणि आदर्श राज्यकर्त्यांचा गौरवशाली वारसा लाभला आहे. त्या तेजस्वी परंपरेतील एक अद्वितीय आणि प्रेरणादायी व्यक्तिमत्त्व म्हणजे पुण्यश्लोक अहिल्यादेवी होळकर. लोककल्याण, न्यायप्रियता, धर्मपरायणता आणि सक्षम प्रशासन यांचा सुंदर मिलाफ त्यांच्या व्यक्तिमत्त्वात दिसून येतो. म्हणूनच इतिहासाने त्यांना ‘लोकमाता’ आणि ‘पुण्यश्लोक’ ही उपाधी बहाल केली.  अहिल्यादेवी होळकर यांचा जन्म ३१ मे १७२५ रोजी महाराष्ट्रातील चौंडी या गावात झाला. त्यांचे वडील माणकोजी शिंदे हे गावचे पाटील होते. त्या काळात मुलींना शिक्षण देण्याची प्रथा फारशी नव्हती; परंतु माणकोजी शिंदे यांनी अहिल्यादेवींना धार्मिक, नैतिक आणि व्यवहारज्ञानाचे शिक्षण दिले. बालपणापासूनच त्यांच्यामध्ये करुणा, परोपकार आणि नेतृत्वगुण दिसून येत होते. असे सांगितले जाते की, मराठा साम्राज्याचे पराक्रमी सरदार मल्हारराव होळकर यांनी एका मंदिरात लहान अहिल्यादेवींना भक्तिभावाने पूजा करता...

विवाहपूर्व आणि विवाहोत्तर समुपदेशन : सुदृढ भारतीय कुटुंब व्यवस्थेकडे नेणारा काळ सुसंगत मार्ग भाग २-   लेखक :- डॉ.दिलीप के.कोठावदे, नाशिक आजचा काळ वेगवान आहे, तणावपूर्ण आहे आणि बदलत्या सामाजिक वास्तवांनी भरलेला आहे. शिक्षण, करिअर, आर्थिक स्वावलंबन, सोशल मीडिया, बदललेली जीवनशैली आणि वैयक्तिक स्वातंत्र्य यांच्या प्रभावामुळे विवाहसंस्थेचे स्वरूपही बदलत आहे. अशा परिस्थितीत विवाह ही केवळ दोन व्यक्तींची सामाजिक घटना राहिलेली नाही; तर ती भावनिक, मानसिक, सांस्कृतिक आणि कौटुंबिक समन्वयाची अत्यंत संवेदनशील प्रक्रिया बनली आहे. यामुळेच आजच्या काळात प्री मॅरेज (विवाहपूर्व) आणि पोस्ट मॅरेज (विवाहोत्तर) कौन्सिलिंग ही केवळ पर्यायी गोष्ट नसून, एक अत्यावश्यक सामाजिक गरज बनली आहे. *विवाहपूर्व समुपदेशन : योग्य सुरुवातीची शाश्वती* विवाह ठरण्यापूर्वी मुलगा-मुलगी यांचे शिक्षण, नोकरी, आर्थिक स्थिती किंवा बाह्य व्यक्तिमत्त्व पाहिले जाते; परंतु अनेकदा पुढील अत्यंत महत्त्वाचे विषय दुर्लक्षित राहतात — ◆ भावनिक परिपक्वता ◆ संवादशैली ◆ राग व मतभेद हाताळण्याची पद्धत ◆ कुटुंबाबद्दलची भूमिका ◆ आर्थिक सवयी ◆ वै...