Posts

मुंबई नाका पोलिस ठाण्यातर्फे रेझींग डे साजरा ! सविस्तर बातमीसाठी खालील लिंकवर क्लिक करा.

Image
नासिक::- २ जानेवारी १९६१ रोजी तत्कालीन पंतप्रधान पंडित जवाहरलाल नेहरू यांच्या हस्ते महाराष्ट्र पोलीस दलाला ध्वज प्रदान आला होता, त्याच दिवसाचे औचित्य साधून दरवर्षी २ जानेवारी ला रेझींग डे साजरा केला जातो त्या पार्श्वभूमीवर आज मुंबई नाका पोलिस ठाण्यांतर्गत न्यू इरा स्कूल येथे कार्यक्रमाचे आयोजन करण्यात आले होते.
         न्यू इरा स्कूल गोविंद नगर या ठिकाणी मुंबई नाका पोलीस स्टेशन तर्फे पोलीस रेझिंग डे २०२० निमित्त  वक्तृत्व स्पर्धा आयोजित करण्यात आली होती. सदर वकृत्व  स्पर्धे  मध्ये मनपा शाळा, रमाबाई शाळा ,अशोका स्कूल, सिक्रेट हार्ट,उर्दू स्कूल, रेहनुमा स्कूल अशा ९ शाळा मधील ४५ विध्यार्थ्यांनी सदर स्पर्धे मध्ये सहभाग घेतला होता. सदर कार्यक्रमासाठी माननीय पोलीस उपायुक्त परिमंडळ १ चे सहा पोलीस आयुक्त , विभाग २ चे अधिकारी उपस्थित होते. तसेच विद्यार्थ्यांसाठी त्यांनी योग्य ते मार्गदर्शन केले. तसेच परीक्षक म्हणून बाल न्यायमंडळाचे श्रीम. शोभा पवार, भ्रमर चे संपादक चंदूलाल शाह , सिम्बॉसिस स्कूल चे विश्वस्त पाटील सर यांनी कामकाज करून  कार्यक्रमाची शोभा वाढविली .

८ जानेवारीच्या देशव्यापी संपाचे निवेदन जिल्हा परीषद कर्मचारी महासंघाकडून मुख्य कार्यकारी अधिकारी यांना देण्यात आले. ...! संपात मोठ्या संख्येने सहभागी होण्याचे जिल्हा परिषद कर्मचारी महासंघाचे आवाहन तर संपात उतरणार नसल्याचे महाराष्ट्र राज्य जिल्हा परिषद कर्मचारी युनियनकडून पत्रक प्रसिद्धीस देण्यात आले !! दोन्ही बातम्या सविस्तर वाचण्यासाठी खालील लिंकवर क्लिक करा !!!!!

Image
८ जानेवारीच्या देशव्यापी संपात जिल्हा परिषद कर्मचारी, शिक्षक-शिक्षकेत्तर, कंत्राटी व  किमान वेतन कर्मचारी होणार सहभागी याबाबत चे निवेदन जिल्हा परीषद कर्मचारी महासंघाकडून मुख्य कार्यकारी अधिकारी यांना देण्यात आले. ...         नासिक::- देशभरातील महागाई , आर्थिक मंदी, बेरोजगारी, कामगार कायद्यात मालक धार्जिणे बदल ,  खाजगीकरण कंत्राटी करण, आणि जन विरोधी धोरणामुळे केंद्र सरकार विरोधी देशभरातील केंद्रीय ट्रेड युनियन व अखिल भारतीय राज्य सरकारी कर्मचारी महासंघ तथा विविध, अखिल भारतीय कामगार कर्मचारी, असंघटित कामगार, कंत्राटी कामगार, किमान वेतन कर्मचारी, श्रमिक - शेतकरी या संघटनांचेे देशात २ कोटी औद्योगीक कामगार - कर्मचारी, श्रमीक वर्ग  ८ जानेवारी २०२० ला आपल्या मागण्यांकरीता एक दिवसाच्या देशव्यापी संपात सहभागी होत आहेत. जुनी पेन्शन योजना लागू करा, कंत्राटी कर्मचाऱ्यांना सेवेत कायम करा, पेट्रोल, डिझेल, घरगुती गॅस व इतर जिवनावश्यक वस्तूवरील दर नियंत्रनात आणा, अतिवृष्टीत नुकसानग्रस्त शेतकऱ्यांना केंद्राकडून तात्काळ मदत द्या. स्वामीनाथन आयोग लागु करा, औषधे, खते, बियाणे यांच्या किंमती नियंत्रनात आणा…

भुजबळ म्हटलं की राजकीय, सामाजिक, व प्रशासनात 'जान' कशी आणी कुठून येते ? संजय राऊत दोन जानेवारीला कसा 'च' लावणार !! होऊ घातलेल्या दिमाखदार वास्तुच्या भूमीपूजनाचा एक राजकीय 'डाव' खालील लिंकवर क्लिक करून वाचा !!!

Image
"जिल्हा परिषद नवीन वास्तू भुमीपूजन स्थळावरून न्यूज मसाला !"

"लोहा गरम है, मारो हातोडा"      नासिक::- येत्या ३० तारखेला खोळंबलेला मंत्रीमंडळ विस्तार होत आहे तत्पूर्वी प्रस्तावित जिल्हा परिषदेच्या प्रशासकीय इमारतीचे भूमिपूजन पार पाडण्यात आले. ग्रामविकास खात्याचा पदभार ना. छगन भुजबळांकडे आहे व तो कायम राहील की नाही हे लवकरच कळेल. त्या आधी भुजबळांनी अशी आलेली संधी सोडली ! असं शक्य नाही हे सर्वश्रुत आहे, अवघ्या दोन दिवसांत सारी राजकीय, प्रशासकीय यंत्रणा कामाला जुंपून भुमीपूजनाचा बार उडवून आपल्या कार्यपद्धतीवर पुन्हा एकदा शिक्कामोर्तब केले. भुजबळ म्हटलं की राजकीय, सामाजिक, प्रशासनात नवी "जान" कशी आणी कुठून येते हे स्व:ता भुजबळंनाही शोधून सापडणार नाही पण परिस्थिती तशी आपसूकच निर्माण होते.
"अशा वेळी जर "लोहा गरम है तो हातोडा मारणें मे " कोण उशीर करेल"
      या गडबडीत प्रशासनाने मोठमोठे फलक लावले, फलकावर काय लिहिले हे तपासायला ही वेळ मिळू नये ईतक्या घाईघाईने कार्यक्रम उरकला हा त्याचाच पुरावा समजावा काय हे त्याचे उदाहरण !
     फलकावरील अक्षरेच सा…

मुख्यमंत्र्यांना दिली संपाची नोटीस ! ८ जानेवारीला देशव्यापी संप !! अनेक प्रलंबित मागण्यांसाठी तब्बल २ कोटी कर्मचारी उतरणार संपात !!! सविस्तर बातमीसाठी खालील लिंकवर क्लिक करा !!!!

Image
राज्य सरकारी निमसरकारी शिक्षक-शिक्षकेतर कर्मचारी यांचा ८ जानेवारी २० रोजी देशव्यापी संप...
मा.मुख्यमंत्री यांना दिली संपाची नोटीस ...         नासिक::-अखिल भारतीय राज्य सरकारी कर्मचारी समन्वय समितीने २००५ नंतर नियुक्त झालेले राज्यातील कर्मचाऱ्यांना अंशदाई पेन्शन योजना रद्द करून जुनी पेन्शन योजना लागू करणे, राज्यातील ३० टक्के रिक्त पदे तात्काळ भरून बेरोजगारी कमी करणे, बक्षी समितीचा दुसरा खंड अहवाल प्रसिद्ध करणे,
केंद्राप्रमाणे राज्य सरकारी कर्मचाऱ्यांना सर्व वेतन भत्ते लागू करणे, जानेवारी १९ महागाई भत्त्याची थकबाकी व जुलै १९ पासून महागाई भत्ता लागू करणे, अनुकंपा तत्त्वावरील नोकरीसाठी निधन पावलेल्या कर्मचाऱ्यांचे वारस वणवण फिरत आहे तरी अनुकंपा वरील रिक्त पदे तात्काळ भरणे, पाच दिवसाचा आठवडा व निवृत्तीचे वय  ६० वर्षे करणे, महिलां कर्मचाऱ्यांना केंद्राप्रमाणे दोन वर्ष बाल संगोपन रजा मंजूर करणे, जिल्हा परिषद क्षेत्रीय कर्मचाऱ्यांना मुख्यालयी राहत असल्याबाबत ग्रामसभा ठराव अनिवार्य केल्याचा ९सप्टेंबर १९ चा ग्रामविकास विभागाचा शासन आदेश रद्द करणे, खाजगी कंत्राटी धोरण रद्द करणे, आदी मागण्यांबाब…

समाजातील दिव्यांगांच्या उत्कर्षासाठीच्या शिवाश्रम चे २५ डिसेंबर ला लोकार्पण ! राष्ट्रशिवशाहीर बाबासाहेब देशमुख यांच्या स्वप्नातील आश्रमाची डॉ. विजय तनपुरे करीत आहेत स्वप्नपूर्ती !! अनेक मान्यवरांच्या उपस्थितीत होणाऱ्या भव्य सामाजिक उपक्रमात सहभागी होण्याचे आयोजकांकडून आवाहन !!! सविस्तर बातमीसाठी खालील लिंकवर क्लिक करा !!!!!

Image
२५ डिसेंबरला शिवाश्रमाचा लोकार्पण सोहळा.
विविध क्षेत्रातील मान्यवर लावणार उपस्थिती.          नासिक::- महाराष्ट्राचे वैभव, अहमदनगर जिल्ह्यातील व राहुरी नगरीचे भुमिपुत्र असलेले, त्याचबरोबर आंतरराष्ट्रीय किर्तीचे विश्वशिवशाहिर डॉ. विजय महाराज तनपुरे यांच्या संकल्पनेतून नाशिक जिल्ह्यातील सिन्नर तालुक्यातील मेंढी येथील सहारा व्यसनमुक्ती केंद्र परिसरात निर्माण करण्यात आलेल्या शिवाश्रमाचा लोकार्पण सोहळा येत्या २५ डिसेंबरला संपन्न होणार आहे. शिवाश्रमासाठी सिन्नर तालुक्यातील मेंढी येथील सहारा व्यसनमुक्ती केंद्राचे केंद्राध्यक्ष मधुकर गीते व त्यांच्या कुटुंबीयांनी ५० गुंठे जमीन विनामूल्य दान करून अवघ्या नऊ महिन्याच्या कालावधीत या जागेवर ४२०० चौरस फूट आकाराची भव्यदिव्य शिवाश्रम इमारतीची उभारणी झाली आहे.
शिवशाहीर डॉ. विजय महाराज तनपुरे यांनी त्यांच्या पोवाड्याच्या त्याचबरोबर किर्तन व्याख्यान आदी कार्यक्रमातून जमा झालेले मानधन शिवाश्रमासाठी तसेच आईने शिवाश्रमासाठी जमा करून ठेवलेले एक लाख रुपये तसेच महाराष्ट्रातील विविध दानशूरांनी यथाशक्ती वस्तू व आर्थिक स्वरुपात मदत केली. या सर्वांच्या सहकार्यातून …

पी.एम.एस प्रणालीची अंमलबजावणी करण्याचे निर्देश ! प्रभारी अतिरिक्त मुख्य कार्यकारी अधिकारी यांनी संबंधित विभागप्रमुखांना दिल्या लेखी सूचना !! सविस्तर बातमीसाठी खालील लिंकवर क्लिक करा !!

Image
नाशिक – नाशिक जिल्हा परिषद अंतर्गत सर्व बांधकाम विषयक विकास योजनांसाठी पी. एम. एस. प्रणालीच्या माध्यमातून कार्यवाही करणे शासन निर्णयानुसार बंधनकारक केले आहे. सदर प्रणालीची अंमलबजावणी तसेच ई-निविदा विषयक तक्रारीचे निराकरण करणे सुलभ तसेच जलदगतीने व्हावे याकरिता सर्व नोंदणीकृत ठेकेदार, सुशिक्षित बेरोजगार अभियंते व मजूर सहकारी संस्था या प्रवर्गातील ठेकेदारांच्या साठी गुगल फॉर्मवर आधारित तक्रार प्रणाली सुरू करण्यात आली असून या प्रणालीचा वापर करण्याचे आवाहन जिल्हा परिषदेच्या मुख्य कार्यकारी अधिकारी भूवनेश्वरी एस. यांनी केले आहे.
        सदर तक्रार प्रणाली नोंदणीकृत ठेकेदारानं करिता असून सदर तक्रारीत कामाचे नाव ठेकेदाराचे नाव ई-मेल व मोबाईल क्रमांक नोंदविणे तसेच  पी. एम. एस. (प्रोजेक्ट मॅनेजमेंट सिस्टीम) अथवा ई-निविदा विषयक कामाच्या बाबतीत पीएमएस क्रमांक अथवा इ निविदा क्रमांक टेंडर आयडी नोंदविणे आवश्यक राहणार आहे.
        सदर तक्रार प्रणाली ऑनलाइन असल्याने ज्या विभागांशी संबंधित सदर तक्रार असेल त्यांनाही तक्रार ई-मेल द्वारे प्राप्त झाल्यानंतर सदर तक्रारीचे निवारण करून त्याबाबत केलेल्या कार्…

निलंबित ३९ ग्रामसेवकांपैकी १८ ग्रामसेवकांना पुर्न:स्थापित करण्याचे आदेश ! ग्रामविकासावर परिणाम होऊ नये म्हणून घेतला निर्णय-मुख्य कार्यकारी अधिकारी !!! सविस्तर बातमीसाठी खालील लिंकवर क्लिक करा !!

Image
नाशिक – जिल्हा परिषदेच्या ग्रामपंचायत विभागांतर्गत विविध ग्रामपंचायतीमध्ये कार्यरत असणा-या व विविध कारणांमुळे ३ महिन्यांपासून अधिक निलंबित करण्यात आलेल्या १८ ग्रामसेवकांना विभागीय चौकशीस अधिन राहून आज जिल्हा परिषदेच्या मुख्य कार्यकारी अधिकारी भूवनेश्वरी एस. यांनी पुर्न;स्थापित केले असून याबाबतचे आदेश संबंधित पंचायत समितींना देण्यात आल्याची माहिती ग्रामपंचायत विभागाचे उपमुख्य कार्यकारी अधिकारी रवींद्र परदेशी यांनी दिली. जिल्हयात १३८४ ग्रामपंचायती असून त्यात ग्रामसेवकांची १०१९ पदे मंजुर आहे. त्यापैकी सदयस्थितीत ९१६ पदे कार्यरत आहेत. कार्यरत ९१६ पैकी विविध कारणांमुळे ३९ ग्रामसेवकांना निलंबित करण्यात आले होते. ग्रामसेवकांना तसेच वर्ग ३ व ४ च्या कर्मचाऱ्यांना निलंबीत करण्याचे अधिकार जिल्हा परिषदेच्या मुख्य कार्यकारी अधिकारी यांना असून मात्र कर्मचा-यांवर नियंत्रण रहावे यासाठी मुख्य कार्यकारी अधिकारी यांनी सदरचे अधिकार गटविकास अधिकारी यांना प्रदान केलेले आहेत. त्यानुसार गटविकास अधिकारी यांचेकडून विविध कारणांमुळे ग्रामसेवकांना निलंबित करण्यात आले आहे.. ग्रामसेवकाला निलंबित केल्यानंतर त्याला म…