मराठा आरक्षण-भारताचे माजी अॅटर्नी जनरल मुकूल रोहतगी आता उच्च न्यायालयात बाजू मांडणार ! सविस्तर बातमीसाठी खालील लिंकवर क्लिक करा !!!


मराठा आरक्षणाला आव्हान देणार्‍या याचिकांवर उच्च न्यायालयात ज्येष्ठ विधिज्ञ व भारताचे माजी अॅटर्नी जनरल मुकूल रोहतगी शासनाची बाजू मांडणार….
मा. ना. चंद्रकांत दादा पाटील.
मुंबई : ज्येष्ठ विधिज्ञ आणि देशाचे माजी अॅटर्नी जनरल मुकूल रोहतगी उच्च न्यायालयात शासनाची बाजू भक्कमपणे मांडणार असून काल शनिवार दि. २ फेब्रुवारी रोजी नवी दिल्ली येथे या प्रकरणी शासनाकडील सर्व माहिती जाणून घेतली.
ज्येष्ठ विधिज्ञ अॅड. हरीश साळवे यांना माहे फेब्रुवारी–मार्च दरम्यान जागतिक स्तरावरील काही महत्त्वाच्या सुनावण्या असून त्यामुळे या कालावधीत ते इथे उपलब्ध नाहीत. मात्र, या याचिकांवर उच्च न्यायालयात अंतिम सुनावणी बुधवार दि. ६ फेब्रुवारी पासून सुरू होणार असल्याने त्यावेळी शासनाची भूमिका भक्कमपणे मांडण्यासाठी ज्येष्ठ विधिज्ञ नियुक्त करण्यासाठी शासनाने सर्वतोपरी प्रयत्न केले आहेत. महाधिवक्ता अॅड. आशुतोष कुंभकोणी यांच्या बरोबर अॅड. विजय थोरात, अॅड. साखरे असे दिग्गज वकील या प्रकरणी संपूर्ण अभ्यास करून न्यायालयात शासनाची बाजू भक्कमपणे मांडण्यासाठी या पूर्वीच नियुक्त करण्यात आले आहेत. मुख्यमंत्र्यांनी ज्येष्ठ विधिज्ञ आणि देशाचे माजी अॅटर्नी जनरल  मुकूल रोहतगी यांना या प्रकरणी विनंती केली असून त्यांनी ती मान्य केली आहे. त्यानुसार त्यांच्या नियुक्तीचे आदेश शासनाने काढले असून, त्यांच्या समवेत ज्येष्ठ विधिज्ञ अॅड. परमजीत सिंह पटवालिया आणि सर्वोच्च न्यायालयातील सरकारी वकील अॅड. कटणेश्वरकर यांची देखील नियुक्ती करण्यात आली आहे.
शनिवार दि. २ फेब्रुवारी रोजी शासनाचे सचिव  शिवाजीराव दौड (सा. प्र. वि.) आणि राजेंद्र भागवत (विधि व न्याय विभाग) त्याचप्रमाणे, अॅड. सचिन पटवर्धन, अॅड. पिंगळे, महाधिवक्ता अॅड. कुंभकोणी यांचे सहाय्यक अॅड. अक्षय शिंदे, अॅड. थोरात यांचे दोन सहाय्यक अॅड. सुगधरे अॅड. प्राची तटके या सर्वांची नवी दिल्ली येथे अॅड. रोहतगी, अॅड. पटवालिया आणि अॅड. कटणेश्वरकर यांचे समवेत सुमारे ४ तास चर्चा झाली. या चर्चेत शासनाची भूमिका जाणून घेतली.
बुधवार दि. ६ फेब्रुवारी पासून सुरू होणार्‍या सुनावणीसाठी ज्येष्ठ विधिज्ञ अॅड. रोहतगी हे आदल्या दिवशीच मुंबईत येणार असून उच्च न्यायालयात शासनाची बाजू प्रभावीपणे मांडतील. त्यामुळे या प्रकरणी शासन कुठेही कमी पडत नाही याची सर्वांनी खात्री बाळगावी असे आवाहन चंद्रकांत दादा पाटील यांनी केले आहे.

टिप्पण्या

या ब्लॉगवरील लोकप्रिय पोस्ट

जिल्हा परिषदेत कोरोनाचा शिरकाव ! सविस्तर बातमीसाठी खालील लिंकवर क्लिक करा !!

मुख्यमंत्र्यांना दिली संपाची नोटीस ! ८ जानेवारीला देशव्यापी संप !! अनेक प्रलंबित मागण्यांसाठी तब्बल २ कोटी कर्मचारी उतरणार संपात !!! सविस्तर बातमीसाठी खालील लिंकवर क्लिक करा !!!!

हा घ्या पुरावा ! प्रश्न- सगळे इतकी वर्ष कोठे होती ? पावसाळ्यात छत्र्या उगवतात तसे आंदोलने, बैठका, निवेदने देण्याचा विरोधकांना उत आला आहे !! जिल्हा परिषद सदस्याने मंत्रालयातील पाठपुराव्याचा पुरावाच जनतेला सादर केला !!! क्रियाशील कोण आमदार आहेत ? सविस्तर जाणून घेण्यासाठी खालील लिंकवर क्लिक करा !!!