संस्कार, संस्कृती टिकवून ठेवण्यासाठी वाचन संस्कृती जोपासण्याची गरज- पोतदार ! सविस्तर बातमीसाठी खालील लिंकवर क्लिक करा !!


संस्कार, संस्कृती टिकवून ठेवण्यासाठी वाचन संस्कृती जोपासण्याची गरज- पोतदार.

           वाडीव-हे::-मोबाईल वरील समाजमाध्यमामुळे नव्वद टक्के पीढ़ी वाचन संस्कृति पासून दूर गेली आहे, समृद्ध जीवन जगण्यासाठी पुस्तकांचे वाचन अतिशय महत्वाचे आहे. स्वताचे जीवन, आपले संस्कार, संस्कृती टिकवून ठेवण्यासाठी जाणीवपूर्वक प्रयत्न करावे लागतील त्यासाठी पुस्तकेच मार्गदर्शक ठरतील, त्यासाठी पुस्तकांना गुरु स्थानी ठेवून आपल्या जगण्याचा अविभाज्य भाग बनवता येईल असे प्रतिपादन वैशाली प्रकाशनचे विलास पोतदार यांनी केले. इगतपुरी तालुका साहित्य मंडळ व महाराष्ट्र राज्य साहित्य आणि संस्कृती मंडळ यांच्या संयुक्त विद्यमाने गोंदे दुमाला येथील सिद्धिविनायक माध्यमिक विद्यालयात एका परिसंवाद कार्यक्रमात ते बोलत होते.
     वाचन प्रेरणा दिनाचे औचित्य साधुन "वाचाल तर वाचाल" या विषयावर पोतदार यांनी मार्गदर्शन केले तर "मराठी भाषेचे महत्व आणि संवर्धन" या परिसंवाद आयोजित करण्यात आला होता. प्रथमता प्रतिमापुजन व दीपप्रज्वलनाने कार्यक्रमाची सुरुवात करण्यात आली. यावेळी ग्रंथमित्र बाळासाहेब पलटने यांनी ग्रंथालयाचे महत्व विषद केले, अँड. ज्ञानेश्वर गुळवे यांनी मराठी भाषा जपण्यासाठी प्रयत्न करण्याची गरज असल्याचे सांगितले, तर जेष्ट साहित्यिक पुंजाजी मालुंजकर यांनी मराठी भाषेची स्थित्यन्तरे, तीचे महत्व, आणि संवर्धन यावर मार्गदर्शन केले. कार्यक्रमाचे अध्यक्ष गोंदेदुमलाचे माजी सरपंच रमेश जाधव यांनी वेळोवेळी असे कार्यक्रम आयोजित करून तरुणांना वाचनाची प्रेरणा देण्याची गरज असल्याचे मत मांडले.
     यावेळी परमेश्वर नाठे, तुकाराम नाठे, नंदराज गुळवे, प्राचार्य तुषार पाटिल, शिक्षक धात्रक आदींसह महविद्यालयातील शिक्षक, शिक्षिका, विद्यार्थी आणि नागरिक उपस्थित होते, सूत्रसंचालन प्रा. धात्रक यांनी केले तर आभार प्राचार्य पाटिल यांनी मानले. पसायदानाने कार्यक्रमाची सांगता करण्यात आली.

टिप्पण्या

या ब्लॉगवरील लोकप्रिय पोस्ट

अद्वितीय शास्त्रज्ञ तथा विसाव्या शतकातील महान शास्त्रज्ञ : सर आयझॅक न्यूटन. ४ जानेवारी जयंतीनिमित्त त्यांच्या कार्याचा घेतलेला थोडक्यात आढावा वाचण्यासाठी खालील लिंकवर क्लिक करा !!

सेवानिवृत्त होत असणाऱ्या वरिष्ठ पोलिस निरीक्षकाच्या पत्नीचे त्यांच्या आयुष्य भरातील चढ उतार तसेच जडणघडणा विषयीचा लेखाजोखा स्वरूपात मनोगत.... पत्थर खाकर भी खडे रहे! वो लहू बनकर अडे रहे ! जब दुनिया जश्न मनाती है ! तब पुलिस फर्जं निभाती है ! सविस्तर मनोगत वाचण्यासाठी खालील लिंकवर क्लिक करा !!

मूर्तिकार कारागीरांसाठी कौशल्य विकास आणि उद्योग मार्गदर्शन कार्यशाळा संपन्न !