साईबाबांवर २० वर्षानंतर पुन्हा नवी टेलिव्हिजन मालिका १५ मार्च पासून “फक्त मराठी” वाहिनीवर! सविस्तर माहितीसाठी खालील लिंकवर क्लिक करा !!



न्यूज
मसाला सर्विसेस 7387333801
***********************************

मराठी भाषेत साईबाबांवर २० वर्षानंतर पुन्हा नवी टेलिव्हिजन मालिका १५ मार्च पासून “फक्त मराठी” वाहिनीवर!

               श्रद्धा आणि सबूरीचा मंत्र देत मानवतेचा संदेश देणारे थोर संत श्री साईनाथ महाराज यांचे असंख्य भक्त-अनुयायी जगभर पसरले आहेत. कुणी त्यांना साई म्हणतं, तर कुणी बाबा. ते कुणाचे साईनाथ आहेत, तर कुणाचे साईराम. 'जो जो मज भजे, जैसा जैसा भावे, तैसा तैसा पावे मी ही त्यांसी...' या साईंच्या स्वमुखातील सत्यवचनांचा आजवर असंख्य भाविकांनी प्रत्यय घेतला आहे. साईबाबांवर "फक्त मराठी वाहिनी" ने मराठीमध्ये 'साई बाबा - श्रद्धा आणि सबुरी' या नव्याकोऱ्या मराठी मालिकेची निर्मिती केली आहे. या निमित्तानं जवळपास २० वर्षांनी टेलिव्हिजनवर साईबाबांची मालिका प्रसारित होणार आहे. येत्या १५ मार्च सोमवारपासून दररोज रात्रौ ८:०० वाजता फक्त मराठी या मनोरंजन वाहिनीवर ही नवी मालिका प्रसारित होणार आहे.
साईबाबा हे महाराष्ट्रातीलच नव्हे तर जगभरातील सर्व जाती धर्म पंथातील लोकांचे श्रद्धास्थान आहेत. गेल्या २० वर्षात त्यांच्यावर मराठी टेलिव्हिजनवर नवी निर्मिती झाली नाही हे विशेष आहे.

साई बाबा - श्रद्धा आणि सबुरी' या मालिकेतही साईबाबांची महती वर्णन केली जाणार असली, तरी आजवर कधीही प्रकाशात न आलेले काही पैलू उलगडून दाखवण्याचा प्रयत्न केला जाणार आहे. या मालिकेत  इ. स. १८५६ ते १५ ऑक्टोबर १९१८ हा कालावधी दाखवण्यात येणार आहे. या मालिकेची निर्मिती  व कलादिग्दर्शन प्रसिद्ध कलादिग्दर्शक अजित दांडेकरांनी केले असून त्यांनी १८५६ ते १९१८ चा काळ उभा करीत हुबेहूब प्रतिशिर्डी स्थापन केली आहे.

महाराष्ट्रातील प्रत्येकाच्या मनात विराजमान झालेल्या साईबाबांवरील या मालिकेचे संशोधन आणि दिग्दर्शन प्रसाद श्रीकांत ठोसर यांनी केले आहे. "साईराम म्हणा तुम्ही साई श्याम म्हणा... " हे मालिकेचं शीर्षक गीत लोकप्रिय गायक ज्ञानेश्वर मेश्राम आणि सहकाऱ्यांनी आपल्या मधुर आवाजात गायले असून त्याला साजेसं संगीत विनोद शेंडगे यांनी दिले आहे.

या मालिकेतील शीर्षक भूमिका अभिजित पवार या अभिनेत्याने केली असून त्यांच्या नैसर्गिक अभिनयामुळे प्रत्यक्ष साईंचा भास होत आहे. त्यांच्यासोबत दिप्ती भागवत, ओंकार कर्वे, अंजली दिलीप, वेद आंब्रे,  ज्ञानेश वाडेकर, नंदिनी वैद्य, दिनेश कानडे, संदीप रेडकर, बबन जोशी, निलेश माने, प्रतिक अंगणे, प्रसाद रावराणे, आस्ताद काळे ह्या कसलेल्या कलाकारांच्या प्रमुख भूमिका आहेत.

साईबाबांबद्दल आणखी जाणून घेण्याकरता ''साई बाबा'' श्रद्धा आणि सबुरी ही नवीन मालिका १५ मार्चपासून रोज रात्री ८:०० वाजता " फक्त मराठी" वाहिनीवर प्रसारित होणार आहे.

टिप्पण्या

या ब्लॉगवरील लोकप्रिय पोस्ट

जिल्हा परिषदेत कोरोनाचा शिरकाव ! सविस्तर बातमीसाठी खालील लिंकवर क्लिक करा !!

हा घ्या पुरावा ! प्रश्न- सगळे इतकी वर्ष कोठे होती ? पावसाळ्यात छत्र्या उगवतात तसे आंदोलने, बैठका, निवेदने देण्याचा विरोधकांना उत आला आहे !! जिल्हा परिषद सदस्याने मंत्रालयातील पाठपुराव्याचा पुरावाच जनतेला सादर केला !!! क्रियाशील कोण आमदार आहेत ? सविस्तर जाणून घेण्यासाठी खालील लिंकवर क्लिक करा !!!

जिल्हा परिषदेतील उपशिक्षणाधिकारी लाचलुचपतच्या जाळ्यात ! सविस्तर बातमीसाठी खालील लिंकवर क्लिक करा !!