स्वातंत्र्याच्या अमृत महोत्सवानिमित्त हॉकी स्पर्धेचे आयोजन !


स्वातंत्र्याच्या
अमृत महोत्सवानिमित्त हॉकी स्पर्धेचे आयोजन-पल्लवी धात्रक

नाशिक२२ (जिमाका वृत्तसेवा)::-हॉकी खेळात खेळाडूंचा सहभाग वाढावा यासाठी स्वातंत्र्याच्या अमृत महोत्सवानिमित्त २५ फेब्रुवारी ते २७ फेब्रवारी २०२२ या कालावधीत हॉकी स्पर्धचे आयोजन करण्यात आले आहे. जिल्ह्यातील जास्तीत जास्त क्रीडा प्रेमी तसेच हॉकी खेळाडूंनी स्पर्धेत सहभागी होण्याचे आवाहन जिल्हा क्रीडा अधिकारी पल्लवी धात्रक यांनी शासकीय प्रसिद्धी पत्रकान्वये केले आहे.
      प्रसिद्धी पत्रकात नमूद केल्यानुसार, हॉकी स्पर्धा जिल्हा क्रीडा अधिकारी कार्यालय नाशिक, विभागीय उपसंचालक, क्रीडा व युवक सेना, नाशिक विभाग,नाशिक व द हॉकी नाशिक यांच्या संयुक्त विद्यमाने आयोजित करण्यात आल्या आहेत. या स्पर्धेत १६ वर्षाखालील वयोगटातील खेळाडू सहभागी होऊ शकतील. हॉकी स्पर्धेचे व निवासाचे ठिकाण विभागीय क्रीडा संकुल, पंचवटी-हिरावाडी रोड, नाशिक येथे करण्यात आले असल्याची माहिती प्रसिद्धी पत्रकात नमूद करण्यात आली आहे.
          हॉकी स्पर्धेबाबत अधिक माहितीसाठी सचिव, द हॉकी नाशिक अजीज सय्यद यांचा भ्रमणध्वनी क्रमांक 9021929786 व क्रीडा मार्गदर्शक हॉकी श्रीमती सी एस उदार यांचा भ्रमणध्वनी क्रमांक 9403735492 या क्रमांकावर संपर्क साधावा, असे जिल्हा क्रीडा अधिकारी पल्लवी धात्रक यांनी कळविले आहे.

टिप्पण्या

या ब्लॉगवरील लोकप्रिय पोस्ट

राज्यभरातील कर्मचाऱ्यांचे आज दुपारच्या सत्रात झाली निदर्शने !

२७ मे रोजी शिवशंभूप्रेमींच्या भेटीला "सरसेनापती हंबीरराव मोहिते". "परिस्थिती जेवढी बिकट, मराठा तेवढाच तिखट"… "युद्धात झालेल्या जखमे इतका देखणा दागिना नाही, फक्त तो दागिना छातीवर पाहिजे" ... "मराठ्यांकडे आग रोखणाऱ्या नजरा आहेत" !

भास्कर कृष्णा कोठावदे काळाच्या पडद्याआड ! सहकार, शैक्षणिक, व्यावसायिक क्षेत्रात शोककळा !!