कृषी अधिकारी ५०,०००/- रुपयांची लाच स्वीकारताना लाचलुचपत प्रतिबंधक विभागाच्या जाळ्यात !
कृषी अधिकारी ५०,०००/- रुपयांची लाच स्वीकारताना लाचलुचपत प्रतिबंधक विभागाच्या जाळ्यात !
नासिक::- तालुका कृषी अधिकारी वर्ग (२ राजपत्रित) आलोसे अण्णासाहेब हेमंत गागरे, वय ४२ वर्ष, सिन्नर तालुका (अतिरिक्त कार्यभार निफाड तालुका) जिल्हा नाशिक याने ४,००,०००/-₹ लाचेची मागणी केली होती, तडजोडी अंती २,००,०००/- रूपये देण्याचे ठरले त्याचा पहिला हप्ता म्हणून ५००००/- रुपये स्विकारताना लाचलुचपत प्रतिबंधक विभागाच्या वतीने ताब्यात घेण्यात आले.
लाचेचे कारण यातील तक्रारदार हे सिन्नर एमआयडीसी या ठिकाणी शेती यंत्रे व अवजारांचे उत्पादन करतात. त्यांनी उत्पादित केलेल्या यंत्रे व अवजारांच्या खरेदीवर शेतकऱ्यांना कृषी विभागाकडून अनुदान वितरित करण्यात येत असते. परंतु आलोसे यांनी तक्रारदाराकडून उत्पादित केलेली यंत्रे ही अनुदानास पात्र नसल्याचे भासवून तक्रारदार यांना त्यांनी उत्पादित केलेल्या यंत्रावर कृषी विभागाकडून अनुदान मिळवून देण्याकरिता आलोसे यांनी तक्रारदार यांचेकडून रू ४,००,०००/- रुपये लाचेची मागणी करून तडजोडी अंती रू २,००,०००/- लाच घेण्याचे निश्चित केले व त्यातील लाचेचा पहिला हफ्ता रू ५०,०००/- आलोसे यांनी पंचासमक्ष स्वीकारताना त्यांना रंगेहात पकडण्यात आले असून गुन्हा दाखल करण्याची प्रक्रिया सुरू आहे.
कारवाईतील सापळा अधिकारी पोलिस उपअधीक्षक अभिषेक पाटील, सापळा पथक एएसआय सुखदेव मुरकुटे, मनोज पाटील लाचलुचपत प्रतिबंधक विभाग, नाशिक यांनी श्रीमती शर्मिष्ठा घारगे-वालावलकर, पोलीस अधीक्षक, नारायण न्याहाळदे, अप्पर पोलीस अधीक्षक, नरेंद्र पवार, वाचक, पोलीस उपअधीक्षक, पोलीस अधीक्षक कार्यालय ,ला.प्र.वि. नाशिक यांच्या मार्गदर्शनाखाली सदर कारवाई केली.
टिप्पण्या
टिप्पणी पोस्ट करा