विश्वस्तांच्या नेमणुकीची प्रक्रिया सुरू, अर्ज करण्याचे आवाहन !

विश्वस्तांच्या नेमणुकीची प्रक्रिया सुरू, अर्ज करण्याचे आवाहन !

न्यूज मसाला वृत्तसेवा नासिक,

त्र्यंबकेश्वर देवस्थानच्या विश्वस्तांच्या नेमणुकीची प्रक्रिया सुरु !

     नाशिक (विमाका वृत्तसेवा)::-त्र्यंबकेश्वर देवस्थानच्या विश्वस्त मंडळाचा कालावधी ३ जुलै, २०२३ रोजी संपुष्टात येत असून विश्वस्त मंडळामध्ये ४ भाविक प्रतिनिधी विश्वस्तांची नेमणूक करण्यात येणार आहे. त्यासाठी कायदेशीर प्रक्रिया सुरु करण्यात आली आहे. त्याअनुषगांने इच्छुक, योग्य व पात्र व्यक्तिंनी नेमणुकीकरिता विहीत नमुन्यातील अर्ज आवश्यक कागदपत्रांसह धर्मादाय सह आयुक्त कार्यालय, जानकी प्लाझा, पहिला मजला नाशिक - पुणे रोड, नाशिक येथे करावा, असे आवाहन धर्मादाय सह आयुक्त कार्यालयाचे अधीक्षक शि.ना.दुतोंडे यांनी केले आहे.

        विश्वस्त मंडळामध्ये ४ भाविक प्रतिनिधी विश्वस्तांची नेमणुकीबाबतची अधिसूचना २६ मे, २०२३ रोजी जारी करण्यात आली आहे. सदरची अधिसूचनेची एक प्रत, अर्जाचा विहीत नमुना व आवश्यक कागदपत्रांची यादी धर्मादाय सह आयुक्त कार्यालय, नाशिक, त्र्यंबकेश्वर देवस्थान, त्र्यंबकेश्वर नगर परिषद आणि महानगरपालिका, नाशिकच्या सूचना फलकावर लावण्यात आली आहे.