कवी प्रशांत धिवंदे यांची विठ्ठल वारी रचना !
कवी प्रशांत धिवंदे यांची विठ्ठल वारी रचना !
आषाढी एकादशी
आज एकादशी । आषाढ मासाची ।।
आस दर्शनाची । लागे मनी ।। १।।
घेऊन पालख्या । आले वारकरी ।।
मुखी नाम हरी। जपताती ।।२।।
माता-भगिनींच्या । डोईला तुळस ।।
चालण्या आळस । नसे कोणा ।।३।।
वाजविती टाळ । मुखाने गजर ।।
भक्तीचा हा ज्वर । चढलासे ।।४।।
भक्तीमध्ये तुझ्या । वारकरी दंग ।।
गाताती अभंग । मनोभावे ।।५।।
वारीत साऱ्यांची । जोडलिया नाळ ।।
करिसी सांभाळ । विठू तूची ।।६।।
दर्शनासी तुझ्या । चंद्रभागा काठी ।।
झाली बघ दाटी । पांडुरंगा ।।७।।
मना खुणावते । रूप मनोहरी ।।
फळा येई वारी । दर्शनाने ।। ८ ।।
रचना - प्रशांत र. धिवंदे
देवळाली कॅम्प, नाशिक
सुंदर 👌
उत्तर द्याहटवा