Senior technician in the network of bribery department while accepting bribe of Rs. 30000 ! वरिष्ठ तंत्रज्ञ ३०००० रुपयांची लाच स्वीकारताना लाचलुचपत प्रतिबंधक विभागाच्या जाळ्यात !

वरिष्ठ तंत्रज्ञ ३०००० रुपयांची लाच स्वीकारताना लाचलुचपत प्रतिबंधक विभागाच्या जाळ्यात !

       नासिक::- विद्युत उप केंद्र जोरण ता. सटाणा येथील वरिष्ठ तंत्रज्ञ हेमंत विठ्ठल खैरनार उर्फ पप्पू यांस ३०००० रुपयांची लाच स्वीकारताना लाचलुचपत प्रतिबंधक विभागाच्या वतीने ताब्यात घेण्यात आले.

          तक्रारदार हे शेतकरी असून त्यांचे शेता जवळील सार्वजनिक डीपी जळाल्याने शेतातील डाळिंब बागेचे पाण्याशिवाय नुकसान होत असल्याने वायरमन पप्पू खैरनार यांनी शेतीसाठी सार्वजनिक इलेक्ट्रिक नवीन डीपी बसवून देण्याचे मोबदल्यात ३००००/- रुपये व केबल लावण्याचे मोबदल्यात २०००/- रुपये असे एकूण ३२०००/- रुपये लाचेची मागणी करून तडजोडी अंती ३० हजार रुपये स्वीकारल्याने त्यांना रंगेहात पकडण्यात आले असून त्यांचेवर गुन्हा दाखल करण्याचे काम सुरु आहे.

          सापळा अधिकारी श्रीमती साधना इंगळे, पोलीस निरीक्षक, सापळा पथक पो.हवा.सचिन गोसावी, पो.हवा. प्रफुल्ल माळी, चा.पो.हवा. विनोद पवार यांनी श्रीमती शर्मिष्ठा घारगे-वालावलकर, पोलीस अधीक्षक, नरेंद्र पवार वाचक, पोलीस उपअधीक्षक, पोलीस अधीक्षक कार्यालय, ला.प्र.वि. नाशिक यांच्या मार्गदर्शनाखाली सदर कारवाई करण्यात आली.